Warsaw Spire
| Славутасць | |
| Warsaw Spire | |
|---|---|
 | |
| 52°13′59″ пн. ш. 20°59′05″ у. д.HGЯO | |
| Краіна | |
| Месцазнаходжанне | |
| Архітэктурны стыль | неамадэрнізм[d] |
| Дата заснавання | 2016 |
| Вышыня | 220 м |
| Сайт | warsawspire.pl |
 |
|
 Медыяфайлы на Вікісховішчы | |
Warsaw Spire (з англ. — «Варшаўскі шпіль») — комплекс офісных будынкаў у стылі неамадэрнізм у Варшаве, Польшча. Складаецца з трох будынкаў: 220-метровая (180 метраў без шпіля) галоўная вежа з фасадам з гіпербалоіднага шкла, Warsaw Spire A, і двух 55-метровых дапаможных будынкаў, Warsaw Spire B і C. Галоўная вежа з’яўляецца другой сярод самых высокіх будынкаў у Варшаве і па ўсёй Польшчы.
Апісанне[правіць | правіць зыходнік]
Warsaw Spire з’яўляецца самым высокім аб’ектам офіснай нерухомасці ў Варшаве і адным з самых высокіх будынкаў у Еўропе[1][2]. Размяшчаецца ў раёне Воля на Еўрапейскай плошчы, дамы 1, 2 і 6. Агульная плошча каля 100 000 м². Пад гатэлем знаходзіцца падземная паркоўка на больш чым 1000 парковачных месцаў.
Будынак пабудавана бельгійскім дэвелаперам Ghelamco. Праект хмарачоса і прылеглых будынкаў распрацаваны бельгійскай архітэктурнай кампаніяй «М. & J-Jaspers M. — J. Eyers & Partners» у супрацоўніцтве з польска-бельгійскай архітэктурнай кампаніяй — Projekt. Інвестыцыі атрымалі сертыфікат BREEAM Excelent[3].
Ужо пасля пачатку будаўніцтва хмарачоса інвестар дакупіў размешчаны ў непасрэднай блізкасці ўчастак разам з будынкам, у якім размяшчалася штаб-кватэра выдавецтва Bellona[4]. Гэты ўчастак, разам з адрэстаўраваным будынкам, дапаўняе тэрыторыі, навакольныя хмарачосу.
Унутры комплексу была створана прасторная, адкрытая для жыхароў горада плошча, на якой размяшчаюцца элементы малой архітэктуры і зялёныя насаджэнні. Інвестар пасадзіў на плошчы 140 дрэў і каля 14 тысяч іншых раслін. Таксама была створана сажалка і каскадны ручай даўжынёй 120 метраў.
У красавіку 2014 года Савет Варшавы, па просьбе Ghelamco, даў плошчы ў межах вуліц Вуліца Таварова (Варшава)Таваровай, Гжыбоўскай, Уроньей і Луцкай назву «Еўрапейская плошча». Будынкі Warsaw Spire атрымалі адрасы на дадзенай плошчы: № 1 (хмарачос), № 2 (бакавы паўночны будынак) і № 6 (бакавы паўднёвы будынак).
Будаўніцтва[правіць | правіць зыходнік]
Будаўнічыя працы пачаліся ў сярэдзіне 2011 года устаноўкай сцен у грунце на глыбіню пяці падземных паверхаў, прызначаных для будучай паркоўкі. Гэтыя сцены з’яўляюцца самымі глыбокімі з пабудаваных у Польшчы, іх канструкцыя сыходзіць на глыбіню 55 метраў ніжэй узроўня зямлі[5]. Такое паглыбленне сцен выклікана значнай глыбінёй столі воданепранікальнага пласта глебы[6]. Будаўніком сцен у грунце з’яўляецца кампанія Soletanche Polska, а жалезабетоннай канструкцыі — кампанія Monting[7]. Падчас выканання сцен у грунце было выкарыстана больш за 21 000 м³ бетону (2400 бетонамяшалак).
3 ліпеня 2014 года на даху аднаго з больш нізкіх будынкаў комплексу адбыўся пажар. У ходзе правядзення ізаляцыйных работ загарэлася ёмістасць з полістыролам. Ніхто не пацярпеў, пажар не выклікаў вялікіх разбурэнняў.
У студзені 2016 хмарачос пасля мантажу шпіля, які складаецца з 24 элементаў)[8], дасягнуў вышыні 220 метраў[9].
Комплекс быў афіцыйна ўведзены ў эксплуатацыю 12 мая 2016[10].
Узнагароды[правіць | правіць зыходнік]
- У снежні 2011 года Warsaw Spire перамог у конкурсе Eurobuild Awards 2011 у катэгорыі «Выбітны архітэктурны праект года ў Польшчы»[11].
- У верасні 2016 Таварыства польскіх урбаністаў узнагародзіла Еўрапейскую плошчу на X Конкурсе на лепшую ўладкаваную плошчу грамадскай прасторы ў Польшчы ў катэгорыі «Нядаўна створаная грамадская прастора горада»[12].
- У 2017 годзе Warsaw Spire атрымаў прыз Best Office & Business Development на выстаўцы MIPIM у Канах[13][14].
Бліжэйшыя будынкі[правіць | правіць зыходнік]
- Офісны будынак Generation Park
- Офісны будынак Kolmex
- Hilton Warsaw Hotel and Convention Centre
- Музей Варшаўскага паўстання
- Станцыя метро Ронда Дашыньскего
Зноскі
- ↑ 220-metrowy wieżowiec Warsaw Spire powstanie na Woli. Праверана 13 верасня 2011.
- ↑ skyscraperpage.com diagram.
- ↑ BREEAM Excellent dla projektu Warsaw Spire (12 сакавіка 2014). Праверана 15 мая 2016.
- ↑ Deweloper kupił Bellonę. Chce odrestaurować jej siedzibę. Праверана 13 верасня 2011.
- ↑ Centrum Warszawy zamienia się w Manhattan. Праверана 13 верасня 2011.
- ↑ Warsaw Spire. Праверана 13 чэрвеня 2012.
- ↑ Warsaw Spire ruszył w górę(недаступная спасылка). Архівавана з першакрыніцы 4 лютага 2013. Праверана 29 студзеня 2013.
- ↑ Drapacze chmur w Warszawie
- ↑ Na Warsaw Spire są już iglice. Niecodzienna operacja w centrum stolicy(недаступная спасылка). Eurozet (18 студзеня 2016). Архівавана з першакрыніцы 8 сакавіка 2016. Праверана 2 сакавіка 2016.
- ↑ Warsaw Spire. Prezydent Warszawy i fajerwerki na oficjalnym otwarciu wieżowc. Agora (12 мая 2016). Праверана 15 мая 2016.
- ↑ Warsaw Spire – warszawski drapacz chmur zwycięzcą Eurobuild Awards(недаступная спасылка). Архівавана з першакрыніцы 10 чэрвеня 2016. Праверана 12 grudnia 2011.
- ↑ Wyniki X edycji Konkursu na najlepiej zagospodarowaną przestrzeń publiczną w Polsce. Праверана 30 кастрычніка 2016.
- ↑ Wieżowiec Warsaw Spire najlepszym biurowcem na świecie!. Праверана 16 сакавіка 2017.
- ↑ Warsaw Spire doceniony w Europie. Праверана 16 сакавіка 2017.