World of Warcraft

World of Warcraft
Распрацоўшчык	Blizzard Entertainment
Выдавец	Blizzard Entertainment
Лакалізатар	Blizzard Entertainment
Частка серыі	Warcraft[d]
Дата выпуску	23 лістапада 2004 18 студзеня 2005 11 лютага 2005 6 чэрвеня 2005 21 ліпеня 2005 8 лістапада 2005 / 6 жніўня 2008
Ліцэнзія	прапрыетарная ліцэнзія[d]
Апошняя версія	10.0.2 (13 студзеня 2023)
Жанры	MMORPG
Стваральнікі
Геймдызайнер	Rob Pardo[d]
Кампазітар	Tracy W. Bush[d]
Тэхнічныя даныя
Платформы	Microsoft Windows і macOS
Рэжым гульні	шматкарыстальніцкая гульня
Носьбіт	лічбавае распаўсюджванне[d]
Кіраванне	камп’ютарная клавіятура і камп’ютарная мыш
Афіцыйны сайт
Медыяфайлы на Вікісховішчы

World of Warcraft (WoW; з англ. — «Свет ваеннага рамяства») — масавая шматкарыстальніцкая анлайн ролевая гульня, створаная ў 2004 годзе кампаніяй Blizzard Entertainment. Падзеі гульні адбываюцца ў фэнтзійным свеце Warcraft, на выдуманай планеце Азэрот. Гульня была анансавана ў 2001 годзе, а пасля была выпушчана ў свет на дзесяцігоддзе франшызы Warcraft, у 2004 годзе. Пасля запуску, для World of Warcraft было выпушчана дзевяць вялікіх дадаткаў: The Burning Crusade (2007), Wrath of the Lich King (2008), Cataclysm (2010), Mists of Pandaria (2012), Warlords of Draenor (2014), Legion (2016), Battle for Azeroth (2018), Shadowlands (2020) і Dragonflight (2022).

Як і ў іншых MMORPG, у World of Warcraft гулец можа стварыць свайго персанажа, каб вандраваць па бязмежнаму адкрытаму свету, выконваць заданні, змагацца з рознымі пачварамі і ворагамі, а таксама кантактаваць з негульнявымі персанажамі Азэрота і рэальнымі гульцамі. Гульня ў першую чаргу сфакусавана на развіцці свайго персанажа: гулец атрымлівае ачкі прагрэсу і выкарыстоўвае іх для развіцця сваёй галіны талентаў, каб зрабіць свайго персанажа мацнейшым.

World of Warcraft стала сусветнай сенсацыяй і займела вялікі поспех сярод крытыкаў і простых гульцоў. Пачынаючы з 2004 года, калі гульня была выпушчана, World of Warcraft стала самай папулярнай MMORPG за ўвесь час, дасягнуўшы піка падпісантаў (12 мільёнаў актыўных гульцоў) у 2010 годзе. Напрыканцы 2014 года, у гульне было зарэгістравана больш за сто мільёнаў чалавек, а ў 2017 яна прынясла кампаніі каля $9.23 мільярдаў даляраў, што зрабіла World of Warcraft самай касавай гульнявой франшызай у свеце. Журналісты называюць гульню найвыдатнейшай MMORPG за ўвесь час, хваляць яе за доўгую падтрымку распрацоўшчыкамі (гульня працягвае быць папулярнай з-за выходзячых кожные два гады дадаткаў). У 2019 годзе выйшла World of Warcraft: Classic, «ванільная» версія гульні, якая дазволіла новым і старым гульцам адчуць вопыт гульні ў самую першую версію World of Warcraft.