Ібрагім Рафаілавіч Гембіцкі

Ібрагім Рафаілавіч Гембіцкі
Ібрагім Рафаілавіч Гембіцкі
Дата нараджэння	17 кастрычніка 1900
Месца нараджэння	Мінск, Мінскі павет, Мінская губерня, Расійская імперыя;
Дата смерці	1 студзеня 1974 (73 гады)
Месца смерці	Мінск, БССР, СССР;
Месца пахавання	Чыжоўскія могілкі;
Грамадзянства	Расійская імперыя; БССР;
Род дзейнасці	мастак
Вучоба	Маскоўскі дзяржаўны акадэмічны мастацкі інстытут імя В. І. Сурыкава[d];

Ібрагім Рафаілавіч Гембіцкі (4 (17) кастрычніка 1900, Мінск — 1 студзеня 1974) — беларускі графік.

Біяграфія

Вучыўся на рабфаку пры ВХУТЕМАС (Масква) (1921—1923), пазней на графічным факультэце Маскоўскага дзяржаўнага акадэмічнага мастацкага інстытута (1931—1938) у Уладзіміра Фаворскага і Андрэя Ганчарова. Дыпломная работа ў тэхніцы дрэварыту — ілюстрацыі да аповесці Я. Коласа «Дрыгва» (1938), чатыры аркушы з яе купленыя Маскоўскім музеем выяўленчых мастацтваў. У пачатку 1930-х арыштоўваўся НКУС, але быў выпушчаны. Сталую творчую працу пачаў у канцы 1930-х, працаваў у станковай графіцы ў тэхніках дрэварыту і каляровай лінагравюры. Сярод іншых тагачасных беларускіх графікаў вылучаўся цікаўнасцю да стварэння шматфігурных кампазіцый. З 1940 года быў членам Беларускага саюза мастакоў.

Пахаваны на мінскіх Чыжоўскіх могілках^[1].

↑ Чыжоўскiя могiлкi. Нечаканыя сустрэчы (бел.). Наша Ніва. Праверана 15 верасня 2023.(недаступная спасылка)