Іван Мікалаевіч Станкевіч

Іван Мікалаевіч Станкевіч
Іван Мікалаевіч Станкевіч
Дата нараджэння	1829
Месца нараджэння	Магілёўская губерня, Расійская імперыя;
Дата смерці	2 (14) сакавіка 1882
Месца смерці	Харкаў, Харкаўскі павет[d], Харкаўская губерня, Расійская імперыя;
Грамадзянства	Расійская імперыя;
Род дзейнасці	навуковец
Месца працы	Харкаўскі ўніверсітэт[d]; Імператарскі ўніверсітэт Святога Уладзіміра[d];
Навуковая ступень	доктар медыцыны[d] (1860) і прафесар[d]
Альма-матар	Другая кіеўская гімназія[d] (1852); Імператарскі ўніверсітэт Святога Уладзіміра[d] (1857);

Іван Мікалаевіч Станке́віч^[1] (1829 — 2 сакавіка 1882) — вучоны ў галіне гісталогіі і фармакалогіі, доктар медыцыны (1860)^[1], прафесар.

Біяграфія

Паходзіў з дваран Магілёўскай губерні. Католік. У 1852 годзе скончыў 2-ю Кіеўскую гімназію і паступіў на медыцынскі факультэт Імператарскага ўніверсітэта Святога Уладзіміра ў Кіеве. Універсітэт скончыў са званнем лекара ў 1857 годзе. У 1858—1860 гадах^[2] для падрыхтоўкі да вучонага звання быў камандзіраваны за мяжу^[3]. Пасля вяртання ў займаўся прыватнай практыкай, адначасова працаваў ва ўніверсітэцкіх клініках і збіраў матэрыял для дысертацыі. 14 снежня 1860 года атрымаў ступень доктара медыцыны за дысертацыю «Гистология сухожилий в натуральном и патологическом состояниях» і быў прызначаны дацэнтам кафедры паталагічнай анатоміі i паталагічнай фізіялогіі Кіеўскага ўніверсітэта^[3]. З 1864 года экстраардынарны прафесар на кафедры фармакалогіі Харкаўскага ўніверсітэта, з 1870 (1865^[2]^[3]) года — ардынарны прафесар. У вольны час аб’язджаў вёскі Харкаўскага павета і аказваў бясплатную медыцынскую дапамогу.

У 1882 годзе з-за хваробы І. М. Станкевіч выйшаў у адстаўку^[2]. Памёр 2 сакавіка 1882 года ў Харкаве^[3].

Навуковая дзейнасць

Аўтар навуковых прац па вывучэнню гісталагічнай будовы сухажылляў, лекавага ўплыву карболазотнакіслага аміяку^[1].

Сярод апублікаваных прац:

Об операции искусственных преждевременных родов (1856);
Паталогоанатомические исследования о строении пахиоковых грануляций. — Киев, 1861;
Критический разбор рассуждения Вермана «о глазном зеркале» // Современная медицина. 1860. № 47-48;
О физиологическом действии карболазотнокислого аммиака и терапевтическое его употребление // Медицинский вестник. 1874. № 13.

Зноскі

Літаратура

Станке́віч Іван Мікалаевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 149. — 10 000 экз. — ISBN 985-11-0035-8. — ISBN 985-11-0251-2 (т. 15).
Бездзель, В. Я. Беларускія вучоныя, даследчыкі і вынаходнікі ў галіне тэхнічных і натуральных навук (другая палова XVII — першая чвэрць ХХ ст.) / В. Я. Бездзель, В. М. Хаданёнак. — Віцебск: УА «ВДТУ», 2018. — С. 139—140. — 179 с. — 100 экз. — ISBN 978-985-481-573-2.

Спасылкі

Станкевіч Іван Мікалаевіч на сайце анлайн-энцыклапедыі «Беларусь у асобах і падзеях»
Профессора и преподаватели российских университетов (вторая половина XVIII — начало XX в.) (руск.) // Томскі дзяржаўны ўніверсітэт

[FOOTNOTEБелЭн2002-1] а ^б ^в БелЭн 2002.

[томск-2] а ^б ^в Профессора и преподаватели российских университетов (вторая половина XVIII — начало XX в.) (руск.)

[FOOTNOTEБездзель,_В._Я.2018-3] а ^б ^в ^г Бездзель, В. Я. 2018.

[1]

[2]

[3]

Слоўнікі і энцыклапедыі	Бракгаўза і Эфрона · Рускі біяграфічны
Нарматыўны кантроль	БАП: 131220