Ірына Уладзіміраўна Сідорская
| Ірына Уладзіміраўна Сідорская | |
|---|---|
| Дата нараджэння | 12 лютага 1969 (55 гадоў) |
| Месца нараджэння | |
| Грамадзянства | |
| Род дзейнасці | філосаф, спецыяліст па сувязях з грамадскасцю |
| Месца працы | |
| Навуковая ступень | кандыдат філасофскіх навук (1995) і доктар філалагічных навук (2020) |
| Навуковае званне |
|
| Альма-матар | |
| Узнагароды | |
Ірына Уладзіміраўна Сідорская (нар. 12 лютага 1969, Мінск) — спецыяліст у галіне сацыяльнай філасофіі, тэарэтык журналістыкі, доктар філалагічных навук (2020), кандыдат філасофскіх навук (1995), дацэнт (2004), загадчыца кафедры тэхналогій камунікацыі і сувязяў з грамадскасцю Беларускага дзяржаўнага ўніверсітэту.
Біяграфія
[правіць | правіць зыходнік]Скончыла з адзнакай аддзяленне філасофіі філасофска-эканамічнага факультэта БДУ (1991), у 1994 годзе — аспірантуру кафедры філасофіі і метадалогіі навукі. Пачала працу на кафедры тэхналогій камунікацыі і сувязяў з грамадскасцю БДУ на пасадзе дацэнта з дня яе заснавання ў 1999 годзе. З 2010 года з’яўляецца загадчыкам кафедры.
Аўтар каля 200 навуковых, навукова-папулярных і вучэбна-метадычных публікацый. Кіраўнік 5-ці аспірантаў, у т.л. двух абароненых кандыдатаў — Юй Хунянь «Фарміраванне іміджу Кітайскай Народнай Рэспублікі ў сістэме масавай камунікацыі Рэспублікі Беларусь» (2015) і Ганна Навуменка «Карпаратыўныя медыя ў Беларусі: тыпалогія, змест і асаблівасці функцыянавання» (2019)[1].
Аўтар ідэі і арганізатар першых «PR-чытанняў» (2003), праектаў «Школа PR» (з 2007, пасля — «Акадэмія камунікацыі»), Міжнароднага адкрытага студэнцкага форуму «PR-кветка» (з 2008)[2]. Пры яе актыўным удзеле распрацаваны і ўкаранёны ў навучальны працэс адукацыйныя стандарты і вучэбныя планы па спецыяльнасцях «Інфармацыя і камунікацыя» і «Камунікацыя ў сферы грамадскіх сувязяў» для шматузроўневай сістэмы адукацыі. Таксама з’яўлялася актыўным прыхільнікам і ўдзельнікам працэсу ўнясення прафесіі «спецыяліст па сувязях з грамадскасцю» і «спецыяліст па рэкламнай камунікацыі» у адзіны даведнік пасад служачых Рэспублікі Беларусь, якое адбылося ў лістападзе 2013 года[3].
Распрацавала аўтарскія курсы лекцый па 5-ці дысцыплінах, напісала і выдала 2 навучальных дапаможніка з грыфам Міністэрства адукацыі Рэспублікі Беларусь, а таксама 3 дапаможнікі без грыфа. Аўтар манаграфіі «Інстытут паблік рылейшнз у развіцці сацыядынамічных працэсаў у Рэспубліцы Беларусь» (Мінск, 2017). Аўтар 24 навуковых артыкулы ў выданнях з пераліку Вышэйшай атэстацыйнай камісіі Рэспублікі Беларусь і замежных выданнях.
У 1995 годзе абараніла кандыдацкую дысертацыю на тэму «Сацыядынаміка культуры ва ўмовах інфармацыйнай рэвалюцыі», у 2019 — доктарскую дысертацыю на тэму «Інстытут паблік рылейшнз у мадэрнізацыі інфармацыйнай прасторы Беларусі».
Замужам, двое дзяцей.
Узнагароды
[правіць | правіць зыходнік]- Знак «Выдатнік друку» Міністэрства інфармацыі Рэспублікі Беларусь (2019)
- Ганаровая грамата Міністэрства інфармацыі Рэспублікі Беларусь (2014)
- Грамата Міністэрства адукацыі Рэспублікі Беларусь (2011)
- Падзячны ліст Рэктара БДУ (2011)
- Грамата БДУ (2009)
- Спецыяльны прыз беларускага прафесійнага конкурсу ў галіне сувязяў з грамадскасцю «PRемія‑2008» «За вернасць PR-прафесіі» (2009).
Зноскі
- ↑ http://www.journ.bsu.by/kafedry/tekhnologij-kommunikatsii.html?id=243 Архівавана 29 мая 2020.
- ↑ https://aif.by/social/studencheskiy_forum_pr-kvetka_proydet_v_minske_28-30_marta
- ↑ https://marketing.by/mnenie/irina-sidorskaya-mnogie-problemy-v-kommunikatsii-voznikayut-na-pustom-meste-iz-za-vysokomeriya/ Архівавана 23 верасня 2020.