Volkswagen Jetta

Volkswagen Jetta — аўтамабіль кампакт-класа (C). Вырабляецца кампаніяй Volkswagen Group. Распрацаваны на базе VW Golf.

З 1979 па 2009 год было выпушчана пяць пакаленняў. Для еўрапейскага рынку выпускаліся пад назвамі: Jetta I, Jetta II, Vento, Bora і Jetta V. За межамі Еўропы Ventо і Bora выпускаліся пад асноўнай назвай, адпаведна — Jetta III і Jetta IV.

Jetta I (1979–1984)

Першае пакаленне Volkswagen Jetta (VW Typ 16) дэбютавала ў 1979 годзе ў Франкфурце. Машына прапаноўвалася ў двух варыянтах — з двума ці чатырма дзьвярыма. Канструктыўна Jetta і Golf былі ідэнтычныя. Знешне седан адрозніваўся не толькі задняй часткай, але і прамавугольнымі фарамі.

У свой ​​дэбютны год — 1979, VW Jetta I паказаў самыя высокія паказчыкі продажаў: 90.000 аўтамабіляў.

Галерэя

Jetta I (1979–1984)

• 
  VW Jetta I
  (2-дзв. седан)
• 
  VW Jetta I
  (2-дзв. седан)
• 
  VW Jetta I
  (4-дзв. седан)
• 
  VW Jetta I
  (4-дзв. седан)

Jetta II (1984–1992)

Volkswagen Jetta II

Volkswagen Jetta II

Другое пакаленне Jetta з'явілася ў 1984 годзе. Седан стаў буйней, яго аснашчэнне багацей, а аб'ём багажніка павялічыўся з 377 да 550 літраў.

У 1989 годзе машына перанесла лёгкі фэйсліфтынг — сталі шырэй бамперы, змянілася рашотка радыятара.

Вытворчасць у Кітаі

У 1991 годзе Jetta II стала першай мадэллю сумеснага прадпрыемства FAW-Volkswagen.

Аўтамабіль кожны год уваходзіў у пяцёрку бэстсэлераў мясцовага рынку, а таксапаркі ў кітайскіх гарадах складаюцца пераважна з іх.

У 2013 годзе вытворчасць была спынена.

• 
  Volkswagen Jetta King (1997–2004)
• 
  Volkswagen Jetta King (2002–2010)
• 
  Volkswagen Jetta Pionier (2010–2013)

Vento/Jetta III (1992–1998)

Volkswagen Vento

Седан трэцяга пакалення дэбютаваў у Еўропе ў 1992 годзе з новым імем — Volkswagen Vento, але "за акіянам" гэта па-ранейшаму была Jetta.

Прапаноўвалася толькі ў чатырохдзверным варянце.

Bora/Jetta IV (1998–2005)

У 1998 годзе ў Еўропе, Паўднёвай Амерыцы і ў Кітаі седан на базе Golf IV быў прадстаўлены пад назвай VW Bora. У Паўночнай Амэрыцы і Паўднёвай Афрыцы — пад назвай "Jetta".

Праз год пачаўся выпуск ўніверсала Bora.

З 2007 года пасля мадэрнізацыі мадэль вырабляецца ў Кітаі пад назвай City Jetta. Мадэрнізаваны варыянт Jetta IV працягвае прадавацца ў Паўднёвай Амерыцы, Мексіцы (з 2011 года як Volkswagen Clásico), Канадзе і Кітаі. У большасці з гэтых краін прапануецца паралельна з Jetta V.

• 
  Volkswagen Bora
• 
  Volkswagen Bora
• 
  Volkswagen Bora Variant
• 
  Volkswagen Bora Variant
• 
  Volkswagen City Jetta

Jetta V (2005–2010)

Volkswagen Jetta V

Volkswagen Jetta V

У студзені 2005 года на аўтасалоне ў Лос-Анджэлесе дэбютавала пятае пакаленне Jetta.

Паўднёваафрыканская мадэль прадавалася пад назвай базавай Bora II, а ў "багатых" версіях пад традыцыйнай назвай — Jetta V. У Кітаі — пад назвай Sagitar, таму што прадаецца адначасова з папярэдняй Jetta/Bora (якая пасля рэстайлінга завецца там City Jetta).

Jetta VI (з 2010)

Volkswagen Jetta VI

Volkswagen Jetta VI

У 2010 годзе Volkswagen прадставіў новую мадэль — Jetta VI. Продажы у Еўропе пачаліся ў студзені 2011 года.

Машына пабудавана на платформе Golf VI, аднак у адрозненне ад папярэднікаў больш не мае агульных кузаўных панэляў з хэтчбэкам — усе элементы кузава з'яўляюцца арыгінальнымі.

На еўрапейскім рынку VW Jetta прапаноўваецца з шасцю рухавікамі. 1,2-, 1,4- і 2,0-літровыя бензінавыя з непасрэдным упырскам паліва, якія развіваюць 90, 105, 160 і 200 к.с., і двума дызельнымі аб'ёмам 1,6- і 2,0-літра, магутнасцю 105 і 140 к.с. адпаведна.

На еўрапейскай Jetta ўжыта мадэрнізаваная падвеска ад «Гольфа» з павялічанай каляінай і з іншымі наладамі спружын і амартызатараў. У амерыканскага седана ў задняй падвесцы — тарсіённая бэлька.

Спасылкі

• Старасвецкая Jetta // Авторевю : часопіс. — 2011. — № №3 (466).

Гл. таксама

• Volkswagen Golf