Cæremoniale Episcoporum: Розніца паміж версіямі
+ |
(Няма розніцы)
|
Версія ад 01:44, 20 красавіка 2015
Cæremoniale Episcoporum (лац.: Цырыманіял біскупаў) — літургічная кніга, якая апісвае царкоўныя службы, што здзяйсняюцца біскупамі лацінскага абраду Рымска-каталіцкай царквы.
Гісторыя
Папа рымскі Клімент VIII выдаў 14 ліпеня 1600 года першую кнігу, якая насіла такую назву, папраўляючы ў адпаведнасці з патрабаваннямі Трыдэнцкага сабора змест кніг, званых Ordines Romani, якія былі напісаныя з канца VII стагоддзя і апісвалі цырымоніі абрання папы рымскага і давалі інструкцыі рымскім папам для служэння імшы і іншых службаў на працягу года. Змест гэтых кніг праз некаторы час быў пашыраны. Праца ў двух частках, вядомых як De Cæremoniis Cardinalium et Episcoporum in eorum diœcesibus («Цырымоніі кардыналаў і біскупаў у сваіх уласных дыяцэзіях»), была дададзеная ў XVI стагоддзі. Cæremoniale Episcoporum папы Клімента VIII быў заснаваны на гэтых тэкстах і на іншых, якія цяпер страчаныя. Падрыхтоўчая праца, распачатая ў снежні 1582 года пры папе рымскім Грыгорыі XIII, заняла 17 гадоў. Факсіміле арыгінальнага выдання 1600 года ў двух кнігах было выдадзенае Libreria Editrice Vaticana ў 2000 годзе.
Папа рымскі Інакенцій X апублікаваў выпраўленае выданне ў 1650 годзе. У 1727 ці 1729 годзе разделы, першапачаткова надрукаваныя як асобныя блокі, былі падзеленыя на пранумераваныя параграфы і суміраваныя. У 1752 годзе папа рымскі Бенедыкт XIV крыху перагледзеў дзве існаваўшыя кнігі і дадаў трэцюю частку цырымоній, якія трэба было выконваць тым, хто займаў грамадзянскія пасады ў Папскай вобласці.
У 1886 годзе папа рымскі Леў XIII зрабіў іншае выпраўленне, у якім ён захаваў трэцюю кнігу, хоць Папская вобласць і была далучаная да каралеўства Італіі.
Сённяшні стан
У адпаведнасці з абнаўленнем, прадпісаным Другім Ватыканскім саборам, цалкам перагледжанае выданне ў асобным томе было апублікаванае папам Янам Паўлам II у 1984 годзе, замяніўшы ранейшыя выданні[1].
Змест Cæremoniale Episcoporum
Кніга складаецца з васьмі частак:
- Біскупская літургія;
- Імша;
- Літургія гадзінаў і служба Божага слова;
- Царкоўная служба сакрамэнтаў на працягу году;
- Сакрамэнты;
- Сакрамэнталіі;
- Значныя даты ў жыцці біскупа;
- Літургічныя службы, звязаныя з урачыстымі дзеяннямі біскупскай улады.
Ёсць таксама дадаткі:
- Пастаўленне пралатаў;
- Табліца літургічных дзён;
- Табліца на рытуальныя імшы, імшы ў розных патрэбах, ватыўныя імшы і імшы за памерлых;
- Спіс скарачэнняў і ўмоўных пазначэнняў.
Гл. таксама
Зноскі
- ↑ Caeremoniale Episcoporum - Cerimoniale dei Vescovi(нявызн.) (PDF). Конгрегация Богослужения (14 верасня 1984). Архівавана з першакрыніцы 3 ліпеня 2012. Праверана 1 мая 2010.
Спасылкі
- Caeremoniale Episcoporum, 1886 Edition(нявызн.) (PDF) (2006). Праверана 1 мая 2010.
- Caeremoniale Episcoporum, 1752 Edition(нявызн.) (PDF) (2006). Праверана 1 мая 2010.