Індый

Індый (лац.: Indium) In — хімічны элемент III групы перыядычнай сістэмы; атамны нумар 49. Серабрыста-белы метал.

Прыродныя крыніцы

Рэдкі элемент (63-е месца па распаўсюджанасці). Сусветная вытворчасць - нязначная: некалькі дзесяткаў тон у год. Атрымліваюць як пабочны прадукт пры перапрацоўцы сярністых руд медзі, свінцу, цынку.

Прымяненне

Высокадакладныя люстэркі — лепшыя за сярэбраныя і ртутныя — найбольш раўнамерна адлюстроўваюць светлавыя хвалі ўсіх даўжынь. Паўправадніковая тэхніка. Лёгкаплаўкія сплавы. У сплаве з меддзю павышае яе ўстойлівасць супраць марской вады.