Касцёл Святога Якуба (Цудзенішкі): Розніца паміж версіямі
[дагледжаная версія] | [дагледжаная версія] |
Радок 62: | Радок 62: | ||
== Спасылкі == |
== Спасылкі == |
||
* [https://globus.tut.by/cudenishki/ Цудзенішкі |
* [https://globus.tut.by/cudenishki/ Цудзенішкі] |
||
* [https://catholic.by/3/kasciol/parishes/21-grodna/3549-tsudzenishki-parafiya-sv-apostala-yakuba парафія Св. апостала Якуба] на [[Catholic.by]] |
* [https://catholic.by/3/kasciol/parishes/21-grodna/3549-tsudzenishki-parafiya-sv-apostala-yakuba парафія Св. апостала Якуба] на [[Catholic.by]] |
||
Версія ад 17:35, 7 кастрычніка 2019
Каталіцкі храм | |
Касцёл Святога Якуба | |
---|---|
54°32′16″ пн. ш. 25°45′53″ у. д.HGЯO | |
Краіна | Беларусь |
Месцазнаходжанне | |
Канфесія | Каталіцызм |
Епархія | Гродзенская дыяцэзія |
Стан | дзейнічае |
Касцёл Святога Якуба — мураваны каталіцкі храм у в. Цудзенішкі Ашмянскага раёна Гродзенскай вобласці.
Гісторыя
Касцёл пад тытулам св. апостала Якуба заснаваны ў пачатку XVII ст. У 1628 годзе на сродкі пана Аляксандра Клоцкага было скончана аздабленне мураванай святыні.
Да ХIХ ст. Цудзенішская парафія ўваходзіла ў склад Віленскага, потым — Ашмянскага дэканата. Пры касцёле дзейнічала парафіяльная школа, будынак якой быў знішчаны пажарам у 1798 годзе.
У 1866 годзе, на хвалі рэпрэсій пасля разгрому паўстання К. Каліноўскага, касцёл быў зачынены.
У 1920-я гады святыня зноў стала каталіцкай, у 1929 годзе быў распрацаваны праект рэканструкцыі касцёла (праект знаходзіцца ў архіве парафіі), аднак да рэалізацыі справа не дайшла. У той час у парафіі было каля 2500 вернікаў, капліц не было.
У савецкі час пастаяннага ксяндза ў парафіі не было, але касцёл не разрабавалі. З 1980-х гадоў сталыя набажэнствы аднавіліся, а з 2011 года пробашчам у Цудзенішках з’яўляецца кс. Павел Ствол.
Архітэктура
Гэта быў зальны храм у стылі рэнесанс з падоўжанай паўкруглай апсідай і адзінай сакрыстыяй пры ёй. Столь у зале плоская падшыўная, над прэзбітэрыем знаходзіцца цыліндрычнае скляпенне з конхай, упрыгожанае паліхромнымі размалёўкамі. У інтэр’еры 3 алтары: галоўны — св. Якуба, левы бакавы — св. Юзафа, правы — Маці Божай Вастрабрамскай.
Пасля паўстання 1863—1864 гадоў перададзены ў праваслаўнае ведамства. Пры пераабсталяванні пад царкву да галоўнага фасада была дабудавана вежа-званіца ў рэтраспектыўна-рускім стылі[1].