Люфа

Люфа
Люфа егіпетская (Luffa aegyptiaca)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарбузакветныя Сямейства:  Гарбузовыя Род:  Люфа
Міжнародная навуковая назва
Luffa Mill., 1754
Сістэматыка на Віківідах Выявы на Вікісховішчы ITIS   22387 NCBI   3669 IPNI   30179638-2

Лю́фа, луфа (Luffa) — род кветкавых раслін сямейства гарбузовых.

Апісанне

Апісана да 50 відаў. Аднагадовыя травы з лазячымі сцёбламі. Лісце пераважна 5—7-лопасцевае. Кветкі аднаполыя, аднадомныя, буйныя, жоўтыя ці белыя; тычынкавыя — у гронках, песцікавыя — адзіночныя. Плод падоўжана-цыліндрычны, даўжынёй 15—50 см (да 1 м), сухі, валакністы.

Пашырэнне

Пашыраны ў тропіках. Старажытная культура (з 6 ст. да н.э.) Афрыкі, Індыі і Кітая. Культывуецца люфа цыліндрычная, або мачальны гарбуз, і люфа граністая, або вострарабрыстая.

Выкарыстанне

Мачалка з люфы

Харчовыя, лекавыя, тэхнічныя расліны. Маладыя плады спажываюць у ежу, спелыя выкарыстоўваюць як мачалкі, для вырабу туфляў, капелюшоў, кошыкаў, ізаляцыйных матэрыялаў і інш. З насення атрымліваюць тэхнічны алей.

Літаратура

• Пярэднеў У. П. Люфа // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).