Ліга чэмпіёнаў УЕФА

Ліга чэмпіёнаў УЕФА (англ.: UEFA Champions League) — штогадовае футбольнае спаборніцтва паміж вядучымі еўрапейскімі клубамі пад эгідай УЕФА.

Са свайго першага сезону 1955/1956 і да сезону 1991/1992 спаборніцтва называлася Кубкам еўрапейскіх чэмпіёнаў. З сезону 1992/1993 спаборніцтва атрымала свой цяперашні назоў і змяніла фармат, адступіўшыся ад алімпійскай сістэмы на карысць групавога этапу. Цяпер спаборніцтвы ў Лізе чэмпіёнаў уяўляюць з сябе 3 кваліфікацыйныя раўнды, групавы этап (8 групаў па 4 каманды, з якіх у наступную стадыю выходзяць першыя дзве, а каманда, якая заняла трэцяе мейсца, трапляе ў 1/16 фіналу Кубка УЕФА) і, пачынаючы са стадыі 1/8 фіналу, гульня па сістэме плэй-оф з матчамі на сваім і на чужым стадыёне з заканчэннем у выглядзе фіналу з аднаго матчу на нейтральным стадыёне.

Спіс найлепшых клубаў у гэтым турніры ўзначальвае іспанскі ФК Рэал Мадрыд, які атрымліваў перамогу у Лізе чэмпіёнаў (уключна з перамогай у Кубку чэмпіёнаў) 9 разоў. Сем разоў турнір выйграваў італьянскі Мілан, 5 разоў — англійскі Ліверпуль, па 4 разы — нямецкая ФК Баварыя Мюнхен і нідэрландскі Аякс з Амстэрдаму.

Спасылкі

• На Вікісховішчы ёсць медыяфайлы па тэме Ліга чэмпіёнаў УЕФА
• UEFA CHAMPIONS LEAGUE RANKINGS AND MORE...
• Афіцыйны сайт (англ.)
• Навіны Лігі Чэмпіёнаў