Сямён Война

Сямён Война
4-ы кашталян мсціслаўскі 29 снежня 1588 — 1599
Папярэднік	Станіслаў Паўлавіч Нарушэвіч
Пераемнік	Сокал Война
маршалак гаспадарскі 2 сакавіка 1584 — 29 снежня 1588
цівун ужвенцкі[d] з 1567
Смерць	не раней за 1 сакавіка 1599 і не пазней за 17 ліпеня 1599
Род	Войны-Грычынавічы
Бацька	Война Мацвеевіч Грычына
Жонка	Фядора з Маноўскіх[d] і Альжбета з Кэнштартаў[d]
Дзеці	Абрагам Война, Мацей Война, Вінцэнт Война і Барбара Сямёнаўна Вайнянка[d]
Веравызнанне	праваслаўе

Сямён Войнавіч Грычынавіч (? — 1599) — маршалак гаспадарскі (1584—1588), кашталян мсціслаўскі (1588—1599); цівун ужвенцкі (з 1567), дзяржаўца паштоўскі, паморскі, палангскі, горждаўскі.

Моладаўскі звон.

З пінскага баярскага роду Войнаў-Грычынавічаў, сын кашталяна мсціслаўскага Войны Мацвеевіча Грычыны і Багданы з Любельскіх. Выслужыў у вялікага князя літоўскага Жыгімонта Аўгуста маёнткі ў Жамойці. У 1583 годзе на памяць пра летась памерлага бацьку заказаў звон для царквы ў Моладаве, сваім вотчынным маёнтку. У 1599 годзе склаў тастамент, важную крыніцу па генеалогіі роду Войнаў-Грычынавічаў, апублікаваную ўпершыню Іванам Спрогісам у канцы XIX ст.

Сям'я

Жанаты быў прынамсі двойчы, першы раз з Фядорай Фёдараўнай з Маноўскіх, другі з Гальшкай Севасцьянавай з Кэнштартаў.

• (1) Мацей
• (1) Вінцэнт
• (1) Андрэй
• (1) Бенедыкт
• (1) Аўдоцця
• (1) Марына
• (1) Ганна
• (2) Рыгор
• (2) Аляксандр
• (2) Варвара
• (2) Алена,

гэтых дзяцей ён згадвае ў сваім тастаменце. Аднак, яшчэ трое яго сыноў «Сямёнавічаў, кашталянічаў мсціслаўскіх»:

• (?) Юрый
• (?) Васіль
• (?) Абрам,

не згаданы ў тастаменце, з якой прычыны і хто іх маці -- не вядома.

Літаратура

• Спрогис И. Духовное завещание мстиславского каштеляна Семена Войны — 1599 г., 1-го марта // Чтения в Историческом обществе Нестора-летописца. — Киев, 1898. Кн. 12.