Перайсці да зместу

Аляксандр Максімавіч Капліенка

З Вікіпедыі, свабоднай энцыклапедыі
Футбол
Аляксандр Капліенка
Агульная інфармацыя
Поўнае імя Аляксандр Максімавіч Капліенка
Нарадзіўся 7 сакавіка 1996(1996-03-07)[1][2] (28 гадоў)
Грамадзянства  Украіна
Рост 179 см
Вага 72 кг
Пазіцыя абаронца
Інфармацыя пра клуб
Клуб Украіна ЛНЗ
Нумар 18
Маладзёжныя клубы
2009—2012 Украіна Металург (Запарожжа)
Клубная кар’ера[* 1]
2012—2015 Украіна Металург (Запарожжа) 35 (4)
2016 Украіна Металіст (Харкаў) 8 (0)
2016 Турцыя Аланьяспор 0 (0)
2017 Украіна Чарнаморац (Адэса) 14 (0)
2018 Беларусь Смалявічы 28 (0)
2019 Украіна Металург (Запарожжа) 8 (1)
2019 Грузія Дынама (Тбілісі) 12 (0)
2020 Расія Тамбоў 25 (0)
2021 Расія Тарпеда (Масква) 18 (1)
2022 Латвія Аўда (Кекава) 15 (0)
2022—2023 Украіна Металіст (Харкаў) 14 (2)
2023 →  Украіна Дніпро-1 16 (0)
2024— Украіна ЛНЗ (Чаркасы)
Нацыянальная зборная[* 2]
2012—2013 Украіна Украіна (да 17) 5 (0)
2013—2015 Украіна Украіна (да 19) 9 (0)
2015 Украіна Украіна (да 21) 1 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 лютага 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 23 сакавіка 2018
Лагатып Вікісховішча Медыяфайлы на Вікісховішчы

Аляксандр Капліенка (нар. 7 сакавіка 1996, Запарожжа, Украіна) — украінскі футбаліст, абаронца чаркаскага ЛНЗ.

Клубная кар’ера

[правіць | правіць зыходнік]

З’яўляецца выхаванцам запарожскага футбола. Яго дэбют за запарожскі «Металург» у першынстве краіны адбыўся 6 красавіка 2014 года ў матчы супраць адэскага «Чарнаморца». Усяго ў сваім дэбютным сезоне ён згуляў у двух матчах. У сезоне 2014/15 Аляксандр становіцца адным з асноўных ігракоў свайго клуба. У канцы 2015 года пакінуў «Металург» у сувязі з працэсам ліквідацыі клуба.

1 лютага 2016 года прыбыў на прагляд у харкаўскі «Металіст»[4], іграком якога афіцыйна стаў 17 лютага. У чэрвені таго ж года перайшоў у склад турэцкага клуба «Аланьяспор»[5], але ўжо ў пачатку верасня 2016 года кантракт быў разарваны[6].

У снежні 2016 года далучыўся да складу адэскага «Чарнаморца»[7]. 20 снежня 2017 года стала вядома, што адэская каманда спыніла супрацоўніцтва з абаронцам[8].

У лютым 2018 года далучыўся да складу дэбютанта беларускай Вышэйшай лігі — клуба «Смалявічы» — і ў сакавіку падпісаў з ім кантракт[9]. Замацаваўся ў стартавым складзе беларускай каманды. Па выніках сезона 2018 «Смалявічы» выбылі ў Першую лігу, і абаронца пакінуў клуб.

У сакавіку 2019 года падпісаў кантракт з запарожскім «Металургам»[10]. У чэрвені 2019 года стаў іграком тбіліскага «Дынама», а ў лютым 2020 года перайшоў у расійскі клуб «Тамбоў». У студзені 2021 года разарваў кантракт з «Тамбовам», а ў лютым далучыўся да маскоўскага «Тарпеда». Пакінуў сталічны клуб па сямейных абставінах у сакавіку 2022 года.

У красавіку 2022 года стаў іграком латвійскай «Аўды», а ў жніўні перайшоў у харкаўскі «Металіст». У сакавіку 2023 года на правах арэнды далучыўся да «Дніпра-1». У студзені 2024 года папоўніў склад чаркаскага ЛНЗ.

Міжнародная кар’ера

[правіць | правіць зыходнік]

Выступаў за юнацкія і моладзевую зборныя Украіны.

Крыніцы

[правіць | правіць зыходнік]
  1. ↑ Oleksandr Kaplienko // Transfermarkt — 2000. Праверана 9 кастрычніка 2017.
  2. ↑ Oleksandr Kapliyenko // FBref.com
  3. ↑ выгрузка даных Freebase — Google.
  4. ↑ Александр Каплиенко на просмотре в «Металлисте» (руск.)(недаступная спасылка). FC-Metalist.com (1 лютага 2016). Архівавана з першакрыніцы 2 верасня 2016. Праверана 23 сакавіка 2018.
  5. ↑ Офіційно: Каплієнко перейшов в «Аланьяспор» (укр.). «UA-Футбол» (14 чэрвеня 2016). Праверана 14 чэрвеня 2016.
  6. ↑ «Аланьяспор» розірвав контракт з Каплієнком (укр.). «UA-Футбол» (6 верасня 2016). Праверана 6 верасня 2016.
  7. ↑ «Чорноморець» підписав Каплієнко (укр.). «UA-Футбол» (12 снежня 2016). Праверана 12 снежня 2016.
  8. ↑ «Чорноморець» припинив співпрацю із захисником (укр.). UA-Футбол (20 снежня 2017). Праверана 20 снежня 2017.
  9. ↑ Три украинца и серб стали игроками "Смолевичей" (руск.). football.by (2 сакавіка 2018). Праверана 23 сакавіка 2018.
  10. ↑ Каплиенко и Леонидов подписали контракты с запорожским «Металлургом» (руск.). ua.tribuna.com (13 сакавіка 2019). Праверана 14 сакавіка 2019.
Узята з "https://be.wikipedia.org/w/index.php?title=Аляксандр_Максімавіч_Капліенка&oldid=4760532"