Барт Вербруген

Барт Вербруген
Нарадзіўся	18 жніўня 2002(2002-08-18) (22 гады) Брэда, Брэда, Паўночны Брабант, Нідэрланды, Каралеўства Нідэрландаў
Грамадзянства	Нідэрланды
Рост	193 см
Клубная кар’ера
2023— Брайтан энд Хоўв Альбіён 21 (0)

Барт Вербру́ген (нідэрл.: Bart Verbruggen; нар. 18 жніўня 2002) — нідэрландскі футбаліст, брамнік англійскага клуба «Брайтан энд Хоўв Альбіён» і нацыянальнай зборнай Нідэрландаў.

Кар’ера

Клубная

Вербруген далучыўся да «Андэрлехта» у 2020 годзе, перайшоўшы з клуба НАК. Дэбютаваў на прафесійным узроўні 2 мая 2021 года ў матчы першага бельгійскага дывізіёна A супраць «Бругэ». 23 лютага 2023 года адбіў усе тры пенальці падчас серыі супраць «Лудагорца» з Разграда ў другім матчы плэй-оф Лігі канферэнцый 2022—2023 гадоў, што дапамагло яго камандзе атрымаць прасоўванне далей. 3 ліпеня 2023 года «Брайтан энд Хоўв Альбіён» абвясціў аб складанні з іграком пяцігадовага кантракту. Запачаткаў кар’еру ў Прэм’ер-лізе 26 жніўня ў матчы супраць «Вест Хэм Юнайтэд», дзе яго дружына зведала паражэнне з лікам 3:1.

Міжнародная

Дэбютаваў у складзе нацыянальнай зборнай Нідэрландаў 13 кастрычніка 2023 года ў кваліфікацыйным матчы да чэмпіянату Еўропы 2024 года супраць зборнай Францыі. Трапіў у заяўку на чэмпіянат Еўропы 2024 года, дзе быў галоўным брамнікам каманды.

Спасылкі

• Профіль на сайце transfermarkt.com (англ.)
• Профіль на сайце soccerway.com (руск.)
• Профіль на сайце worldfootball.net (англ.)