Герман Холерыт

Герман Холерыт
англ.: Herman Hollerith
Дата нараджэння	29 лютага (12 сакавіка) 1860
Месца нараджэння	Буфала, акруга Эры[d], штат Нью-Ёрк, ЗША
Дата смерці	17 лістапада 1929(1929-11-17)[…] (69 гадоў)
Месца смерці	Вашынгтон, акруга Калумбія, ЗША
Месца пахавання	могілкі Оўк-Хіл[d]
Грамадзянства	ЗША
Род дзейнасці	вынаходнік, бізнесмен, статыстык, матэматык, спецыяліст у галіне інфарматыкі, інжынер
Навуковая сфера	інфарматыка
Месца працы	Масачусецкі тэхналагічны інстытут United States Patent and Trademark Office[d] Computing Tabulating Recording Company[d]
Навуковая ступень	горны інжынер[d] (1890)
Альма-матар	Гарадскі каледж Нью-Ёрка (1879) Калумбійская школа інжынерных і прыкладных навук[d]
Узнагароды	медаль Эліята Крэсана[d] (1890) Нацыянальная Зала славы вынаходнікаў[d] (1990)
Медыяфайлы на Вікісховішчы

Герман Холерыт (англ.: Herman Hollerith; 29 лютага 1860 — 17 лістапада 1929) — амерыканскі інжынер і вынаходнік. Бацька сучасных аўтаматычных вылічэнняў. Вядомы як стваральнік электрычнай табулявальнай сістэмы.

Біяграфія

Нарадзіўся ў горадзе Буфала (ЗША) у сям’і нямецкіх імігрантаў. У 1879 годзе ён скончыў горную школу пры Калумбійскім універсітэце і стаў асістэнтам прафесара У. Трубрыджа спачатку ў Калумбійскім універсітэце, а затым у Бюро па перапісе насельніцтва. У 1882 годзе Холерыт пачаў выкладанне ў Масачусецкім тэхналагічным інстытуце, а пазней перайшоў на працу ў Патэнтнае ведамства ЗША.

У 1880 гадах ён распрацаваў абсталяванне для працы з перфакарткамі (Патэнты ЗША 395781, 395782 і 395783), якое мела значны поспех пры перапісах насельніцтва ЗША ў 1890 і 1900 гадах.

У 1890 годзе Халерыт у Калумбійскім універсітэце абараніў доктарскую дысертацыю па філасофіі.

У 1896 годзе Холерыт стварыў кампанію Tabulating Machine Company для прасоўвання сваіх табулявальных машын. У 1911 годзе ён прадаў сваю кампанію і яна ўвайшла ў прамысловы кангламерат C-T-R, створаны прадпрымальнікам Чарльзам Флінтам. У 1924 году C-T-R была пераназваная ў IBM.