Жамайчу Калварыя

Мястэчка Жамайчу Калварыя літ.: Žemaičių Kalvarija Герб Краіна Літва Павет Цяльшэйскі Раён Плунгскі Сянюнія Жамайчу-Калварыйская Каардынаты 56°07′00″ пн. ш. 22°01′00″ у. д. Першая згадка 1253 Вышыня цэнтра 195 м Насельніцтва 696 чал. (2011) Часавы пояс UTC+2, летам UTC+3 Жамайчу Калварыя на карце Літвы

Медыяфайлы на Вікісховішчы

Жама́йчу Калвары́я (літ.: Žemaičių Kalvarija), традыцыйная беларуская назва — Кальва́рыя Жамо́йцкая — мястэчка ў Плунгскім раёне Цяльшэйскага павета Літвы, на рацэ Вардува. Адміністрацыйны цэнтр Жамайчу-Калварыйскай сянюніі. Насельніцтва 798 чал. (2001). Знаходзіцца на паўночным захадзе краіны, за 26 км ад Плунге. Згодна з сучаснай афіцыйнай літоўскай класіфікацыяй мястэчка належыць да этнаграфічнага рэгіёна Жамойць.

Кальварыя Жамойцкая — адзін з галоўных культурных і рэлігійных цэнтраў Жамойці.

Гісторыя

Да сярядзіны XVII стагоддзя мела назву Горды (вядомыя з 1253 года), у складзе Жамойці. У сярэдзіне XVI стагоддзі тут збудавалі касцёл.

У 1637 годзе жамойцкі біскуп Юрый Тышкевіч заснаваў у Гордах кляштар дамініканцаў (з 1644 года дзейнічала школа). У 1639—1642 гадах збудаваў новы касцёл і крыжовы шлях даўжынёй 7 км з 19 стацыямі, які ішоў дадолу праз 7 гораў: Бярозавую, Жвіравую, Св. Яна, Шатрыйскую, Піўнічную, Крыжовую і Св. Алены.

У 1642 годзе Тышкевіч заснаваў мястэчка Кальварыя Жамойцкая. У 1750 годзе тут збудавалі новы мураваны касцёл. Станам на 1789 год у мястэчку было 74 дымы.

У выніку трэцяга падзелу Рэчы Паспалітай (1795) апынулася ў складзе Расійскай імперыі.

З 1918 года — у складзе Літвы.

Славутасці

• Касцёл Візытацыі Найсв. Дзевы Марыі і кляштар дамініканцаў (XVIII ст.)
• Капліцы-стацыі Крыжовага шляху (XVIII—XIX стст.)

Галерэя

• 
  Касцёл Візытацыі Найсв. Дзевы Марыі
• 
  Інтэр’ер Малой Базілікі
• 
  Адна са стацыяў Крыжовага шляху

Літаратура

• Кальварыя Жамойцкая // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 253. — 696 с. — ISBN 978-985-11-0487-7 (т. 3), ISBN 985-11-0315-2.
• Kalwarya Żmujdzka // Słownik geograficzny Królestwa Polskiego i innych krajów słowiańskich. Tom III: Haag — Kępy (польск.). — Warszawa, 1882. S. 712
• Кальвария // Жамайчу Калварыя // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• На Вікісховішчы ёсць медыяфайлы па тэме Жамайчу Калварыя