Юрый Тышкевіч (біскуп)

Юрый Тышкевіч
Юрый Тышкевіч. Невядомы мастак, XVII ст.
Адукацыя:	Віленскі ўніверсітэт Люблінскі езуіцкі калегіум[d]
Дзейнасць:	ксёндз
Веравызнанне:	каталіцтва
Нараджэнне:	1596(1596) Віштынец[d], Вілкавішкіс, Вілкавішкіскі раён[d], Марыямпальскі павет, Літва
Смерць:	17 студзеня 1656(1656-01-17) Домнау[d], Расія
Пахаванне:	Кафедральны сабор Святога Станіслава
Род:	Тышкевічы
Бацька:	Ян Яўстах Тышкевіч
Маці:	Соф'я Вішнявецкая[d]

Юрый Тышкевіч (1596, Вішцянец — 17 студзеня 1656, Домнаў, цяпер Калінінградская вобласць Расіі) — рэлігійны і дзяржаўны дзеяч Вялікага Княства Літоўскага.

Біяграфія

З лагойскай лініі роду Тышкевічаў, сын Яна Яўстаха і Соф'я з Вішнявецкіх.

Навучаўся ў езуіцкіх акадэміях у Вільні, Любліне, Познані й Кракаве.

Канонік кракаўскі, з 1626 віленскі. З 17 мая 1627 г. тытулярны біскуп метонскі і біскуп-суфраган віленскі. З 19 снежня 1633 ардынары жамойцкі, біскуп — з 25 чэрвеня 1634. Дбаў пра развіццё школ, праводзіў візытацыю дыяцэзіі, чатыры разы праводзіў дыяцэзіяльныя сінод (1636, 1639, 1643, 1647). У 1637 заснаваў кальварыю ў мястэчку, названым Жамойцкая Кальварыя, заснаваў там кляштар дамініканаў. У 1632 кансакраваў касцёл дамініканаў у Сейнах.

У 1638 быў легатам Уладзіслава Вазы да папы Урбана VIII, ад якога атрымаў тытул прэлата дамовага. У 1644 кіраваў каталіцкай дэлегацыяй у Торуні на Colloquium Charitativum — дыскусіі пратэстантаў і каталікоў пра яднанне вызнанняў.

З 9 снежня 1649 біскуп віленскі, зладзіў сінод дыяцэзіяльны, правёў візытацыю парафій. У вайну са Швецыяй знаходзіўся ў Караляўцы.

Галерэя

• 

  Невядомы мастак, XVII ст.

• 

  Невядомы мастак, XVII ст.

• 

  Невядомы мастак, XIX ст.

Літаратура

• Nitecki P. Biskupi Kościoła w Polsce: w latach 965—1999 // Słownik biograficzny. Wyd. 2. — Warszawa, 2000. ISBN 83-211-1311-7. — S. 458—459.
• Wileński słownik biograficzny. — Bydgoszcz, 2002. ISBN 83-87865-28-1. — S. 412.