Закары Куінта

Закары Куінта
Zachary Quinto
Імя пры нараджэнні	Закары Джон Куінта
Дата нараджэння	2 чэрвеня 1977(1977-06-02) (46 гадоў)
Месца нараджэння	Пітсбург, Пенсільванія
Грамадзянства	ЗША
Адукацыя	Універсітэт Карнегі — Мелан[d] Central Catholic High School[d] Pennsylvania Governor's School for the Arts[d]
Прафесія	акцёр
Кар’ера	2000 — цяпер. час
Узнагароды	прэмія «Тэатральны свет»[d] (2011) Выбар тэлевізійных крытыкаў (2013)
IMDb	ID 0704270
zacharyquinto.com
Медыяфайлы на Вікісховішчы

Закары Джон Куінта (англ.: Zachary John Quinto; нарадзіўся 2 чэрвеня 1977 года) — амерыканскі акцёр, які атрымаў вядомасць дзякуючы ролі серыйнага забойцы Сайлара ў серыяле «Героі» і ролі камандора Спока ў фільме 2009 года «Зорны шлях».

Біяграфія

Куінта — напалову італьянец, напалову ірландзец. Нарадзіўся ў Пітсбургу, штат Пенсільванія. Скончыў каталіцкую школу ў 1995 годзе і Універсітэт Карнегі-Мелана ў 1999 годзе.

На тэлебачанні ўпершыню з'явіўся ў кароткім серыяле «Іншыя» (2000 год). Пазней здымаўся ў такіх хітовых тэлесерыялах, як «CSI», «Дакрананне анёла», «Зачараваныя», «Кліент заўсёды мёртвы», «Лізі Макгуайр» і «Драгнет». У 2004 годзе ён атрымаў ролю другога плану ў серыяле «24». У ролі Адама Каўфмана Куінта з'яўляўся ў кожным эпізодзе трэцяга сезону гэтага серыяла за выключэннем аднаго. У 2006 годзе Закары стаў здымацца ў сіткаме Торы Спелінг, «So NoTORIous», а таксама ў навукова-фантастычным серыяле «Героі», дзе ён мае ролю серыйнага забойцы Сайлара.

У 2007 годзе Куінта выказаў зацікаўленасць у выкананні ролі маладога Спока ў адзінаццатым фільме з серыі «Зорны шлях». 26 ліпеня 2007 года было абвешчана, што Куінта зацверджаны на ролю Спока ў чарговым фільме «Зорнага шляху», выхад якога на экраны адбыўся 7 мая 2009 года.

Куінта — адкрыты гей, здзейсніў камінг-аўт 17 кастрычніка 2011 года.

Фільмаграфія

• 2000 — Іншыя / The Others — Тоні
• 2001 — Дакрананне анёла / Touched by an Angel
• 2002 — C.S.I. Месца злачынства / CSI: Crime Scene Investigation — Мітчэл Саліван
• 2002 — Off centre
• 2002 — Лізі Магуаер / Lizzie McGuire — дырэктар
• 2002 — Гаворачы са зданямі / Haunted — Пол Кінгслі
• 2002 — Агенцтва / The Agency — Джэй Ламберт
• 2003 — Кліент заўсёды мёртвы / Six Feet Under — студэнт
• 2003 — Зачараваныя / Charmed — Варлок (у тытрах не азначаны)
• 2003 — Святы дазор / Miracles — пасланец
• 2003-04 — 24 гадзіны / 24 — Адам Каўфман
• 2004 — Трывалая сетка / Dragnet — Говард Сімс
• 2004 — Гаваі / Hawaii — Луміс
• 2004 — Новая Жанна Д`Арк / Joan of Arcadia
• 2005 — Сляпое правасуддзе / Blind Justice — Скот Колінс
• 2006 — Расследаванне Джордан / Crossing Jordan — Леа Фултан мал.
• 2006 — Блізняты / Twins — Джэйсан
• 2006 — So noTORIous — Сасан
• 2006—2010 — Героі / Heroes — Гэбрыэл Грэй / Сайлар
• 2006 — Робацып / Robot Chicken
• 2008 — Бардо / Bordeaux
• 2009 — Зорны шлях / Star Trek — Спок
• 2011 — Мяжа рызыкі / Margin Call — Пітэр Саліван
• 2011 — Колькі ў цябе...?
• 2011 — American Horror Story / American Horror Story — Чэд

Спасылкі

• Афіцыйны сайт Закары Куінта
• Закары Куінта на сайце «Internet Movie Database» (англ.)
• Закары Куінта ў сацыяльнай сетцы «Twitter»