Казакі (серыя мультфільмаў)
Казакі | |
|---|---|
| укр.: Козаки | |
 | |
| Тып мультфільма | анімацыйны фільм |
| Жанр | анімацыйная камедыя, мультфільм-прыгоды |
| Рэжысёр | Уладзімір Дахно, Тадэвуш Паўленка |
| Аўтары сцэнарыя | |
| Кампазітар | Уладзімір Губа, Ігар Паклад, Барыс Буеўскі і іншыя |
| Аніматары | Мікола Бондар, Канстанцін Чыкін, Міхаіл Цітоў, Ніна Чурылава, Аляксандр Лаўроў, Людміла Ткачыкава, Н. Усценка. |
| Аператар | Анатоль Гаўрылаў |
| Гукааператар | Віктар Груздзеў, Ігар Пагон і іншыя |
| Студыя | «Київнаукфільм» |
| Краіна | УССР |
| Прэм’ера | 1967—1995 |
«Як казакі…» — серыя мультфільмаў, знятых у СССР на кінастудыі «Кіеўнавукфільм» рэжысёрам Уладзімірам Дахно. Пасля распаду СССР цыкл быў працягнуты ў незалежнай Украіне на студыях «Укранімафільм» і Baraban. Усе мультфільмы кароткаметражныя, іхняя працягласць не перавышае 20 хвілін. Паводле серыяла зроблена гульня-квэст «Як казакі Мону Лізу шукалі».
Пра мультфільм[правіць | правіць зыходнік]
З выхадам першай серыі «Як казакі кулеш варылі» ў 1967 годзе мультфільм адразу набывае вялікую папулярнасць. У сюжэтах галоўныя героі — тры казакі — трапляюць у неймаверныя прыгоды, сустракаюцца з людзьмі з розных краін і эпохаў, і нават з багамі і іншапланецянамі. Усяго створана дзевяць мультфільмаў пра казакоў.
Напачатку 2010-х гадоў студыя «Укранімафільм» пачала рыхтаваць да выпуску другі сезон серыялу «Як казакі…», прэм’ера якога адбылася 30 мая 2016 года на тэлеканале «1+1». У 2018 годзе выйшаў працяг прыгодаў казакоў — «Казакі. Вакол свету».
Галоўныя героі[правіць | правіць зыходнік]
- Грай — хітры і разважны высокі казак.
- Вока — маленькі, але бадзёры і ваяўнічы, мае доўгі чуб і пышныя вусы.
- Тур — моцны, але сарамлівы і сантыментальны казак.
Спіс серыяў[правіць | правіць зыходнік]
- «Як казакі кулеш варылі» (1967) 09:49
- «Як казакі ў футбол гулялі» (1970) 18:23
- «Як казакі нявестаў ратавалі» (1973) 18:51
- «Як казакі соль куплялі» (1975) 09:20
- «Як казакі алімпійцамі сталі» (1978) 17:35
- «Як казакі мушкецёрам дапамагалі» (1979) 17:37
- «Як казакі на вяселлі гулялі» (1984) 19:28
- «Як казакі іншапланецянаў сустракалі» (1987) 17:20
- «Як казакі ў хакей гулялі» (1995) 17:57
Працяг[правіць | правіць зыходнік]
- «Казакі. Футбол» (2016)
- «Казакі. Вакол свету» (2018)
Цікавосткі[правіць | правіць зыходнік]
- З нерэалізаванага сцэнару вядома, што Тур родам з Херсоншчыны
- Мультсерыял быў вельмі папулярным у Іране
- Ва ўсіх серыях прысутнічаюць аранжаванні ўкраінскіх народных песняў
- Падчас групавога турніру Еўра 2012 украінская зборная гуляла ў групе D з супернікамі ў паслядоўнасці аналагічна «Як казакі ў футбол гулялі»: з рыцарамі (зборная Швецыі), мушкецёрамі (зборная Францыі) і джэнтэльменамі (зборная Англіі). Таксама зборная Украіны на Еўра-2012 выйграла ў шведаў 2:1 — як і ў мультфільме казакі выйгралі ў рыцараў з тым самым лікам.
Спасылкі[правіць | правіць зыходнік]
- Афіцыйны сайт студыі «Укранімафільм» Архівавана 30 студзеня 2020.
- Усе серыі мультфільмаў «Як казакі…» на афіцыйным Youtube-канале KozakyTV