Прагляд зыходнага тэксту старонкі Камароўскі рынак

{{картка кампаніі 
|назва= Мінскі Камароўскі рынак
|лагатып=
|тып= унітарнае прадпрыемства
|лістынг на біржы= 
|дзейнасць= падаванне паслуг, грамадскае сілкаванне і раздробны гандаль, арэнда
|дэвіз= 
|заснавана= [[1979]]
|ранейшыя назвы= 
|заснавальнікі= 
|размяшчэнне= {{Сцяг Беларусі}} [[Беларусь]], Мінск, вул. Веры Харужай, д. 8
|ключавыя постаці =
|галіна = [[Гандаль]]
|прадукцыя =
|абарот =
|аперацыйны прыбытак =
|чысты прыбытак =
|колькасць супрацоўнікаў =
|матчына кампанія = ТКУП «Мінскі Камароўскі рынак»
|даччыныя кампаніі = УП «Мінскі Камароўскі рынак» <br />рынак «Мінскі вернісаж»<br />ОСП «Узлянка»
|аўдытар =
|сайт = http://komarovka.by/
}}
'''Камароўскі рынак''' — галоўны харчовы рынак [[Мінск]]а, размешчаны ў [[Савецкі раён (Мінск)|Савецкім раёне]] Мінска (часам скарочана неафіцыйна называецца ''Камароўка'').

Камароўка — вёска, потым і яе ваколіцы, пазней паўночна-ўсходняя ўскраіна Мінска, размешчаная за Траецкай гарой і [[Залатая Горка|Залатой горкай]]. Цяпер раён [[Плошча Якуба Коласа|плошчы Якуба Коласа]], вуліц [[Вуліца Веры Харужай (Мінск)|Веры Харужай]], [[Вуліца Кульман (Мінск)|Кульман]], [[Вуліца Куйбышава (Мінск)|Куйбышава]], [[Вуліца Якуба Коласа (Мінск)|Якуба Коласа]] і [[Вуліца Гікалы (Мінск)|Гікалы]].

Назва рынку паходзіць ад гістарычнай назвы мясцовасці, дзе ён быў пабудаваны — Камароўка.

[[File:Камароўка, Гандлёвыя рады, Мінск, Беларусь, 2016.jpg|thumb|Камароўка, Гандлёвыя рады, Мінск, Беларусь, 2016]]

== Агульнае апісанне ==
[[Файл:Kamaroŭski market (Minsk, Belarus) — Камароўскі рынак (Мінск, Беларусь) — Комаровский рынок (Минск, Беларусь) - 2.jpg|thumb|400пкс|злева|Камароўскі рынак]]

Камароўскі рынак уваходзіць у структуру ўнітарнага прадпрыемства «Мінскі Камароўскі рынак», якое было створана паводле рашэння Мінскага гарадскога выканаўчага камітэта ад 27.01.1997 № 55.

Асноўным відам дзейнасці прадпрыемства з'яўляецца:
* прадстаўленне гандлёвых месцаў арганізацыям, індывідуальным прадпрымальнікам і фізічным асобам;
* разруб і абвалка мяса;
* захоўванне тавару;
* прадстаўленне напракат інвентару і форменнай вопраткі;
* важанне на таварных вагах;
* размяшчэнне і абслугоўванне рэкламы.

Прыярытэт у гандлі на Камароўскім рынку маюць айчынныя вытворцы. На рынку можна купіць свежы [[хлеб]], які паступае штодзень з хлебазаводаў горада, свежую рыбу, якая пастаўляецца рыбгасамі, [[Свініна|свініну]], [[Ялавічына|ялавічыну]], [[Бараніна|бараніну]], [[цяля]]ціну, [[Трусы (жывёлы)|трусяціну]].

У шырокім асартыменце прадстаўлена садавіна і гародніна, бакалейныя тавары, сродкі для мыцця і чысткі, друкаваная прадукцыя, царкоўныя рэчы, кветкі і іншыя тавары.

Агульная плошча рынку складае больш за 5 га, колькасць гандлёвых аб'ектаў каля 2000. Рынак падзелены на дзве часткі: крыты рынак і сезонны рынак.

Для забеспячэння бяспекі тавараў, якія рэалізуюцца на рынку, працуе Лабараторыя ветэрынара-санітарнай экспертызы, якая ўваходзіць у склад гарадской ветэрынарнай станцыі г. Мінску.

=== Крыты рынак ===
Крыты павільён быў пабудаваны ў 1980 годзе. Афіцыйнае адкрыццё адбылася 20 мая 1980 года ў адпаведнасці з загадам Упраўлення гандлю выканкама Мінскага гарадскога савета народных дэпутатаў № 91 ад 14 мая 1980 года.

Плошча гандлёвай залы складае 13 тыс. {{м2}}.

=== Сезонны рынак ===
[[File:Kamarouka 2.JPG|thumb|Садавіна на сезонным рынку.]]
На сезоннай частцы рынку, у трох сектарах, выдзелена каля 700 гандлёвых месцаў для гандлю бульбай, гароднінай і садавіной, бакалейнымі таварамі. У перыяд сезоннага збору ўраджаю тут размяшчаюць больш за сотню дадатковых вынасных сталоў для гандлю.

У чацвёртым сектары для гандлю свежамарожанай рыбай, прэсерваў, «карэйскімі салатамі» выдзелена 100 гандлёвых месцаў.

Пяты сектар прадстаўлены для рэалізацыі сваёй фірмовай прадукцыі беларускім прадпрыемствам-вытворцам.

<gallery>
File:Kamarouka_1.JPG
File:Kamarouka_3.JPG
File:Kamarouka_4.JPG
File:Kamarouka_5.JPG
File:Kamarouka_6.JPG
File:Kamarouka_7.JPG
Камароўка. Адкрыты рынак. З-за прылаўка.jpg|Камароўка. Адкрыты рынак. З-за прылаўка
</gallery>

== Архітэктура ==
Павільён крытага рынку — першы ў [[БССР]] і адзін з буйнейшых у [[СССР]]. Архітэктуры яго характэрна сучаснае канструкцыйнае вырашэнне, выразны [[сілуэт]], планіровачная дакладнасць і цэласнасць [[Кампазіцыя (архітэктура)|кампазіцыі]]<ref name="ЗП"/>.

Пабудаваны ў 1979 годзе па праекце архітэктараў [[В. Аладаў|В. Аладава]], [[А. Жалдакоў|А. Жалдакова]], [[Уладзімір Васілевіч Крывашэеў|У. Крывашэева]], [[М. Ткачук]]а. Размешчаны на рагу [[Вуліца Харужай (Мінск)|вуліц В. Харужай]] і [[Вуліца Куйбышава (Мінск)|Куйбышава]]. З’яўляецца важным горадабудаўнічым [[акцэнт (архітэктура)|акцэнтам]] цэнтральнай часткі горада<ref name="ЗП"/>.

Квадратнае ў плане збудаванне. [[Зборны маналіт|Зборна-маналітнай]] танкасценная [[Абалонка (архітэктура)|абалонка]] вышынёй 24 м, складанай формы, без прамежкавых апор перакрывае зальнае памяшканне, стварае пластычную [[Аб’ёмна-прасторавая кампазіцыя|аб’ёмна-прасторавую кампазіцыю]]. Па перыметры залы плошчай 13 тыс. м² абсталявана шматлікімі гандлёвымі ячэйкамі, злучанымі [[калідор]]амі. Над імі размешчаны [[антрэсоль|антрэсолі]], на якія вядуць чатыры [[лесвіца|лесвіцы]]: па адной з сярэдзіны кожнага боку залы. У цэнтры перакрыцця ўзвышаецца светлавы квадратны ў плане ліхтар з эмблемай рынку. Тарцы абалонкі вырашаны ў выглядзе вялікіх [[арка|арачных]] праёмаў, маюць [[суцэльнае зашкленне]]. Стужкавыя ўстаўкі аздоблены металічнымі дэкаратыўнымі элементамі, з боку галоўнага ўвахода — інфармацыйнымі надпісамі. У вонкавым афармленні выкарыстаны каляровае пакрыццё, [[дэкаратыўны тынк]], [[керамічная плітка]], [[пластмаса]], [[алюміній]]<ref name="ЗП">{{крыніцы/ЗП|Мінск|330|Павільён Камароўскага крытага рынку|[[Т. В. Габрусь]]}}</ref>.

3 процілеглага ад галоўнага ўвахода боку да гандлёвай залы прымыкае развіты блок абслугоўвання, які ўключае [[склад]]ы, [[халадзільная камера|халадзільныя камеры]], [[лабараторыя|лабараторыі]], [[мыйка|мыйкі]], бюро гандлёвых паслуг, памяшканні для адміністрацыі, пагрузачна-разгрузачнае абсталяванне і інш. Асноўная гандлёвая зала звязана з адміністрацыйна-гаспадарчым корпусам [[пандус]]ам<ref name="ЗП"/>.

== Выдатныя мясціны ==
У 2002 годзе на плошчы перад Камароўскім рынкам з’явіўся фантан перад уваходам на сезонны рынак, а таксама бронзавыя скульптуры аўтарства [[Уладзімір Жбанаў|Уладзіміра Жбанава]] («Конь і верабей», «Дама з сабачкам», «Фатограф»), перад уваходам на крыты рынак — скульптура аўтарства [[Алег Купрыянаў|Алега Купрыянава]] («Гандлярка семкамі»).

== Гл. таксама ==
* [[Чэрвеньскі рынак]]

{{зноскі}}

== Літаратура ==
* {{крыніцы/ЗП|Мінск|330|Павільён Камароўскага крытага рынку|[[Т. В. Габрусь]]}}

== Спасылкі ==
{{Commons|Category:}}
* [http://komarovka.by/ Афіцыйны сайт Гандлёвага камунальнага ўнітарнага прадпрыемства «Мінскі Камароўскі рынак»]
{{Вонкавыя спасылкі}}

[[Катэгорыя:Кампаніі Беларусі]]
[[Катэгорыя:Рынкі Мінска]]
[[Катэгорыя:Першамайскі раён (Мінск)]]
[[Катэгорыя:1979 год у Мінску]]
[[Катэгорыя:Камароўка]]
[[Катэгорыя:Будынкі і збудаванні Вальмена Аладава]]
[[Катэгорыя:Будынкі і збудаванні Анатоля Жалдакова]]
[[Катэгорыя:Будынкі і збудаванні Уладзіміра Крывашэева]]
[[Катэгорыя:Будынкі і збудаванні Міхаіла Ткачука]]