Камфоравае дрэва

Камфоравае дрэва
Старажытнае камфоравае дрэва ўзростам каля 1000 гадоў, Японія
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Лаўракветныя Сямейства:  Лаўровыя Род:  Cinnamomum Від:  Камфоравае дрэва
Міжнародная навуковая назва
Cinnamomum camphora (L.) J.Presl
Сінонімы
Laurus camphora L.basionym
Сістэматыка на Віківідах Выявы на Вікісховішчы ITIS   18175 NCBI   13429 EOL   596902 GRIN   t:10578 IPNI   463336 TPL   kew-2721183

Камфоравае дрэва, камфоравы лаўр (Cinnamomum camphora) — кветкавая расліна сямейства лаўровых, від роду карычнік, або карычны лаўр.

Батанічнае апісанне

Вечназялёнае дрэва да 50 м вышынёю і 3 м у дыяметры, з карой, якая дае трэшчыны. Лісце простае, скурыстае, бліскучае. Кветкі дробныя, белаватыя ці жаўтаватыя, сабраныя ў кальчакі. Плод — цёмна-сіняя сакаўная касцянка. Вегетатыўныя органы і плады маюць прыемны востры пах камфары.

Арэал

Радзіма — Паўднёва-Усходняя трапічная Азія. Утварае лясы. Вырошчваюць у тропіках і субтропіках многіх краін, у т.л. на чарнаморскім узбярэжжы Каўказа.

Выкарыстанне

Тэхнічная, дэкаратыўная, інсектыцыдная і лекавая расліна. Выкарыстоўваецца ў парфумерыі.

Літаратура

• Вынаеў Г. У. Камфоравае дрэва // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).