Касцёл Святога Міхаіла Арханёла (Дэмбна)
| Касцёл | |
| Касцёл Святога Міхаіла Арханёла | |
|---|---|
.jpg) | |
| 49°27′59″ пн. ш. 20°12′43″ у. д.HGЯO | |
| Краіна |
 Польшча |
| Вёска | Дэмбна |
| Канфесія | Рымска-каталіцкая царква |
| Епархія | Кракаўская архідыяцэзія |
| Благачынне | парафія Св. Міхаіла Архангела ў Дэмбне[d] |
| Архітэктурны стыль | гатычная архітэктура |
| Дата заснавання | XIII стагоддзе |
| Дата пабудовы | XV стагоддзе |
| Матэрыял | драўніна |
 |
|
 Медыяфайлы на Вікісховішчы | |
Касцёл Святога Міхаіла Арханёла — драўляны касцёл у гатычным стылі, пабудаваны ў XV стагоддзі ў польскай вёсцы Дэмбна (цяпер Наватаргскі павет Малапольскага ваяводства). Разам з шэрагам іншых храмаў уваходзіць у склад помніка сусветнай спадчыны ЮНЕСКА «Драўляныя цэрквы на поўдні Малой Польшчы»[1].
Гісторыя
[правіць | правіць зыходнік]Першы касцёл у Дэмбне, хутчэй за ўсё, быў пабудаваны ў XIII стагоддзі. Цяперашні касцёл быў пабудаваны ў другой палове XV стагоддзя на месцы больш ранняга храма[2]. Шатровая званіца была прыбудавана ў 1601 годзе. Касцёл у Дэмбне з'яўляецца адным з найбольш добра захаваных драўляных гатычных храмаў у Польшчы і разглядаецца як помнік міжнароднага значэння (намінаваны на званне аднаго з сямі цудаў Польшчы).
Архітэктура
[правіць | правіць зыходнік].jpg)
Драўляны касцёл пабудаваны з лістоўніцы без адзінага цвіка, мацаванні з драўляных клінаў. Шатровы двухсхільны дах пакрыты гонтам[3]. У архітэктуры збудавання захоўваецца сувязь з народным дойлідствам. Прэзбітэрый касцёла арыентаваны на ўсход. Храм захоўвае сваю арыгінальную структуру, у інтэр'еры захаваўся ўнікальны познегатычны трафарэтны роспіс. У алтары храма — копія напісанай на дрэве іконы XIII стагоддзя (арыгінал знаходзіцца ў Вавельскім замку ў Кракаве)[3]. Акрамя таго, у касцёле знаходзяцца познегатычны трыпціх пачатку XVI стагоддзя, крыж, які датуецца 1380 годам, табернакль пачатку XIV стагоддзя, ксілафон XV стагоддзя. З-за высокай пажарнай небяспекі ў касцёл не праведзена электрычнасць, знутры яго асвятляюць толькі маленькія лампадкі[3]. На фасадзе захаваўся кансэкрацыйны крыж[4].
Касцёл Святога Міхаіла Арханёла ў Дэмбне — найстарэйшая пабудова з драўляным паліхромным інтэр'ерам у Еўропе. Касцёл лічыцца адным з найстарэйшых збудаванняў падобнага тыпу ў Польшчы, пасля вежы касцёла Святога Міхаіла Арханёла ў Бінарове[5].
Зноскі
- ↑ Debno Parish Church. World Monuments Found. Праверана 12 сакавіка 2016.
- ↑ Parafia Rzymsko-Katolicka Świętego Michała Archanioła(недаступная спасылка). Dębno. Архівавана з першакрыніцы 24 верасня 2020. Праверана 12 сакавіка 2016.
- ↑ а б в Краков. Путеводитель
- ↑ Памятники культуры: Новые открытия. Наука., 1997.
- ↑ Kościół w Dębnie(недаступная спасылка). Panoramy. Архівавана з першакрыніцы 4 сакавіка 2016. Праверана 12 сакавіка 2016.
Спасылкі
[правіць | правіць зыходнік]
На Вікісховішчы ёсць медыяфайлы па тэме Касцёл Святога Міхаіла Арханёла (Дэмбна)
