Людвіг Святаполк-Чацвярцінскі
Людвіг Святаполк-Чацвярцінскі | |
---|---|
![]() Герб княскага роду Святаполк-Чацвярцінскіх | |
Нараджэнне |
12 студзеня 1877 г. Варшава |
Смерць |
3 мая 1941 (64 гады) Аўшвіц |
Род | Род Святаполк-Чацвярцінскіх |
Бацька | Уладзімір Святаполк-Чацвярцінскі |
Маці | Марыя Уруская |
Жонка | Роза з Радзівілаў |
Дзеці | Prince Jerzy Swiatopelk-Czetwertynski[d][1], Prince Stanislaw Swiatopelk-Czetwertynski[d][1], Prince Andrew Swiatopelk-Czetwertynski[d][1], Princess Roza Swiatopelk-Czetwertynski[d][1] і Princess Marie Elizabeth Swiatopelk-Czetwertynski[d][1] |
Вядомы як | стваральнік Палацава-паркавага комплексу Святаполк-Чацвярцінскіх у Жалудку |
Людвіг Рудольф Святаполк-Чацвярцінскі (12 студзеня 1877, г. Варшава — 3 мая 1941,) — князь з роду Святаполк-Чацвярцінскіх.
Біяграфія
[правіць | правіць зыходнік]Сын Уладзіміра Святаполк-Чацвярцінскага і яго жонкі Марыі Урускай.
Валодаў землямі па абодвух берагах Нёмана. Усімі гаспадарчымі пытаннямі князь займаўся асабіста. Меў усяго аднаго памочніка і увёў шмат навін у гаспадарчай дзейнасці. Ён быў супраць продажу лесу як сыравіны, а распілоўваў яго на лесапільным заводзе ў Зачэпічах, сартаваў і прадаваў у Германію па больш высокіх коштах[2].
На Шчучыншчыне ў той час было 4 лекары і 2 фельчары. Аднаго лекара і аднаго фельчара Людвіг утрымліваў у Жалудку на свае сродкі ў пабудаванай ім бальніцы. Медыцынскае абслугоўванне было платным. Асобы, якія працавалі ва ўстановах, павінны былі плаціць унёскі ў «касу хворасцяў». Калі плацельшчык узносаў або члены яго сям’і захворвалі, то лячылі іх бясплатна[2].
Цікава было вырашана князем пытанне водазабеспячэння Жалудоцкага палаца. Вада да яго паступала з крыніц у вёсцы Кукіна (прыкладна ў 2-х км ад палаца) самацёкам. Вада дадаткова фільтравалася і падавалася ў рэзервуар на 3-м паверсе будынка з дапамогай помпаў, якія працавалі на сціснутым паветры. Паводле аповядаў старажылаў, сістэма падачы вады была настолькі эканамічнай, што для працы помпаў на працягу месяца дастаткова было 2-х балонаў са сціснутым паветрам. Князь ніколі не адмаўляў у дапамозе тым, хто меў якую патрэбу, паважаў людзей працавітых, а буяных і п’яніц высялялі за межы Жалудка на хутары. На адну сялянскую гаспадарку прыходзілася па 1,5 га зямлі[2].
Загінуў князь Чацвярцінскі ў канцэнтрацыйным лагеры Аўшвіц у Польшчы ў 1941 годзе[2].
Сям’я
[правіць | правіць зыходнік]У 1906 годзе ажаніўся ў Рыме з Розай Радзівіл[3].
Дзеці[3]:
- Ежы (19.2.1907-?)
- Станіслаў (7.3.1910-?)
- Андрэй (16.09.1911-?)
- Роза (1.04.1914-?)
- Марыя Лізавета (21.3.1920-?)
Зноскі
- ↑ а б в г д Lundy D. R. The Peerage
- ↑ а б в г Людвиг Четвертинский(недаступная спасылка) (руск.)
- ↑ а б Lodewijk Rudolf Prins Swiatopolk-Czetwertynski(недаступная спасылка)