Марына Валер’еўна Вежнавец

Марына Вежнавец
Марына Вежнавец
	; Марына Вежнавец у балеце «Шахеразада»
Род дзейнасці	Балерына
Дата нараджэння	4 кастрычніка 1978
Месца нараджэння	Мінск
Грамадзянства	Беларусь
Бацька	Валерый Вежнавец
Маці	Галіна Вежнавец (Жукава)
Муж	Юрый Кавалёў
Месца працы	Нацыянальны акадэмічны Вялікі тэатр оперы і балета Рэспублікі Беларусь;
Альма-матар	Акадэмія рускага балета імя А. Я. Ваганавай;
Узнагароды і прэміі
Сайт	belarusopera.by/veduschi…
	Медыяфайлы на Вікісховішчы

Марына Валер’еўна Вежнавец (нар. 4 кастрычніка 1978(1978-10-04), Мінск) — беларуская балерына, вядучы майстар сцэны Нацыянальнага акадэмічнага Вялікага тэатра оперы і балета Беларусі. Заслужаная артыстка Беларусі (2014).

Біяграфія

У дзяцінстве займалася мастацкай гімнастыкай, мае званне кандыдата ў майстра спорту. Пазней захапілася балетам і паступіла ў Беларускі дзяржаўны харэаграфічны каледж. Да 8 класа сумяшчала заняткі ў абедзвюх сферах, пасля зрабіла выбар у карысць балета.

У 1997 годзе скончыла каледж (клас народнай артысткі Беларусі Ірыны Савельевай) і была прынята ў трупу Нацыянальнага акадэмічнага Вялікага тэатра оперы і балета Беларусі. Танцавала на яго сцэне ў 1997—2008 гадах. Першай партыяй Марыны стала партыя Кітры ў спектаклі «Дон Кіхот». Рэпетытытарам Марыны Вежновец стала народная артыстка Беларусі Людміла Бржазоўская.

У 2008—2009 гадах з’яўлялася салісткай трупы Санкт-Пецярбургскага тэатра балета Канстанціна (SPBT) і выступала з ім у Парыжы на прэстыжнай сцэне Тэатра Елисейских Палей, у Лондане (Лонданскі Калізей), у Іспаніі. Падчас працы ў тэатры яе яе рэпетытарам была народная артыстка Расіі Любоў Кунакова (у мінулым зорка Марыінскага тэатра).

З 2009 года зноў у трупе Нацыянальнага акадэмічнага Вялікага тэатра оперы і балета Беларусі. Адначасова вучыцца ў Ваганаўскай акадэміі балета Санкт-Пецярбурга на аддзяленні педагогікі харэаграфіі.

У красавіку 2011 года ў тэатры прайшоў творчы вечар Марыны Вежнавец і яе партнёра Юрыя Кавалёва.

Рэпертуар Марыны Вежнавец

«Бахчысарайскі фантан» (Зарэма),
«Баядэрка» (Нікія і Гамзаці),
«Балеро» (Дзяўчына),
«Дон Кіхот» (Кітры, Дульцынэя і Мэрсэдэс),
«Жызель» (Жызель і Мірта),
«Кармэн-сюіта» (Кармэн),
«Карміна Бурана» (Блудніца),
«Карсар» (Медора),
«Лебядзінае возера» (Адэта — Адылія),
«Макбет» (Лэдзі Макбет),
«Спячая прыгажуня» (Аўрора і Фея бэзу),
«Рагнеда» (Рагнеда і Ганна Багранародная),
«Шехеразада» (Забеіда),
«Шчаўкунок» (персідскі танец),
«Эсмеральда» (Эсмеральда).

Вобраз у мастацтве

У 2013 годзе мастачка Аксана Аракчэева напісала партэт Марыны Вежнавец да юбілейнага сезону Вялікага тэатра, у рамках цыклу партрэтаў вядучых салістаў беларускага балета. Партрэтныя накіды Марыны Вежновец мастачка рабіла ў Нясвіжы, дзе ў той час танчыла балерына^[1]. Балерына прадстаўлена ў вобразе дзяўчыны з балета «Балеро»^[2]^[3].

Зноскі

↑ Григорян А. Счастье быть вместе(руск.) // Во славу Родины : газета. — Мн.: Мінабароны РБ, 5 жніўня 2017. Архівавана з першакрыніцы 16 сакавіка 2018.
↑ А. Иванюшко. Балет маслом (руск.)(недаступная спасылка). Минский курьер (24 мая 2013). Архівавана з першакрыніцы 25 жніўня 2018. Праверана 13 сакавіка 2018.
↑ Аскеро В.. Оксана Аракчеева: «Гордость нашей семьи – быть разными» (руск.). Журнал «Город женщин» (25 мая 2017). Праверана 13 сакавіка 2018.

Літаратура

Алег Грушэцкі Мары Марыны // Літаратура і мастацтва : Газета. — Мн.: СПБ, РВУ «Звязда», 10 кастрычніка 2014. — В. 4789. — № 40. — С. 13. Архівавана з першакрыніцы 14 кастрычніка 2014.
Марціновіч Д. Праз экспрэсію пластыкі Архівавана 13 мая 2011.// Маладосць. 2011. № 4. С. 98-103.
Марціновіч Д. Марына + Юра = балет(недаступная спасылка)// Мастацтва. 2011. № 6.
Савицкая О. Танец вдвоем(недаступная спасылка) // Партер. 2011. № 3. С. 56-59.
Яроміна К. І ўсё гэта—частка яе…// Літаратура і мастацтва. 2007. 28 верасня. № 39. С. 10
Яроміна К. Інфернальная і летуценная// Мастацтва. 2008. № 5. С. 14-15.
Яроміна К. Дуэт: колькі ў гэтым слове!// Літаратура і мастацтва. 2010. 24 верасня. № 38. С. 10.
Яроміна К. На сцэне—дуэт…// Настаўніцкая газета. 2011. 19 красавіка.

[1] Григорян А. Счастье быть вместе(руск.) // Во славу Родины : газета. — Мн.: Мінабароны РБ, 5 жніўня 2017. Архівавана з першакрыніцы 16 сакавіка 2018.

[2] А. Иванюшко. Балет маслом (руск.)(недаступная спасылка). Минский курьер (24 мая 2013). Архівавана з першакрыніцы 25 жніўня 2018. Праверана 13 сакавіка 2018.

[3] Аскеро В.. Оксана Аракчеева: «Гордость нашей семьи – быть разными» (руск.). Журнал «Город женщин» (25 мая 2017). Праверана 13 сакавіка 2018.

[1]

[2]

[3]