Мітрафан (Гутоўскі)

Мітрафан
Мітрафан
Адукацыя	Варшаўскі ўніверсітэт;
Навуковая ступень	магістр багаслоўя[d]
Дзейнасць	святар
Імя пры нараджэнні	Міхаіл Пятровіч Гутоўскі
Нараджэнне	1897; Валынская губерня, Расійская імперыя;
Смерць	12 верасня 1959; Куйбышаў, Куйбышаўская вобласць, РСФСР, СССР;
Пахаванне	Cathedral of the Protection of the Theotokos[d];
	Медыяфайлы на Вікісховішчы

Мітрафан (свецкае імя Міхаіл Пятровіч Гутоўскі; 1897, Валынь — 12 верасня 1959, Куйбышаў) — праваслаўны царкоўны дзеяч.

Біяграфія

Паходзіць з сям’і святара. У 1919 скончыў Валынскую духоўную семінарыю, у 1931 Праваслаўны багаслоўскі факультэт Варшаўскага ўніверсітэта са званнем магістра багаслоўя. Прыняў манаства (1930).

Быў паслушнікам у Пачаеўскай Лаўры. З 1945 — рэктар Багаслоўска-пастырскіх курсаў пры Жыровіцкім манастыры. Рэктар Мінскай духоўнай семінарыі і намеснік Жыровіцкага манастыра ў сане архімандрыта (1947). Епіскап Бабруйскі, вікарый Мінскай епархіі (1953—1955), Арлоўскі і Бранскі (1955), Куйбышаўскі (цяпер Самара) (1956—1959). Пры ім у Пакроўскім саборы Куйбышава замест часовага быў усталяваны пастаянны мармуровы іканастас у візантыйскім стылі. Сабору ўлады перадалі мноства канфіскаваных раней з іншых храмаў абразоў і бронзавага начыння. Пахаваны ў левай частцы створкі Пакроўскага кафедральнага сабора.