Міхаіл Рымінскі

Міхаіл Рымінскі
Міхаіл Рымінскі
Дата нараджэння	23 снежня 1769, 1770 ці 1769
Месца нараджэння	Ігумен, Менскі павет, Менскае ваяводства, Вялікае Княства Літоўскае, Рэч Паспалітая;
Дата смерці	не раней за 1795 ці 1 студзеня 1797
Месца смерці	Львоў, Львоўская зямля, Рускае ваяводства, Малапольская правінцыя, Карона Каралеўства Польскага, Рэч Паспалітая;
Прафесія	акцёр, танцор, спявак

Міхаіл Рымінскі (1769, Ігумен) — танцоўшчык, спявак і драматычны акцёр^[1].

Біяграфія

Нарадзіўся ў 1769 годзе ў Ігумене. Прыгонны А. Тызенгаўза^[1]. Быў акцёрам у Тэатры Антонія Тызенгаўза.

Пасля смерці А. Тызенгаўза ў 1785 годзе паводле яго завяшчання «15 танцорак і 18 танцораў» сталі ўласнасцю караля Станіслава Аўгуста Панятоўскага і ў складзе балетнай трупы пераехалі ў Варшаву. З гэтага часу танцоўшчыкі і танцоўшцыцы А. Тызенгаўза сталі ядром «Таварыства танцоўшчыкаў яго каралеўскай вялікасці»^[1].

Міхаіл Рымінскі выступаў на каралеўскіх сцэнах, як драматычны акцёр і спявак у «прадстаўленнях французскіх» у Нацыянальным тэатры (руск.) (бел.. Магчыма, у 1795 годзе працаваў у варшаўскіх антрэпрызах С. Галніцкага і К. Аўсінскага^[1].

Творчая дзейнасць

Пачаў акцёрскую дзейнасць у Тэатры Антонія Тызенгаўза. У 1795—1797 гадах у балетнай трупе ў Львове. У часы Станіслава Аўгуста быў найбольш папулярным балетным артыстам, выконваў партыі гераічнага плана^[1].

Сярод партый: Гілас («Гілас і Сільвія» Ф. Гасэка (руск.) (бел.), Капітан Сандор («Капітан Сандор на востраве Караліна»), Алонза («Кора і Алонза» І. Г. Наўмана (фр.) (бел.), Адоніс («Венера і Адоніс»), Марк Антоній («Клеапатра і Марк Антоній»)^[1].

Зноскі

↑ ^а ^б ^в ^г ^д ^е Паводле кн. Барышев Г. І. «Театральная культура Беларуси 18 в.» Мн., 1992

Спасылкі

Міхаіл Рымінскі Архівавана 6 сакавіка 2016.
Тэатр Антонія Тызенгаўза і наш зямляк Міхаіл Рымінскі Архівавана 4 сакавіка 2016.

[ТКБ-1] а ^б ^в ^г ^д ^е Паводле кн. Барышев Г. І. «Театральная культура Беларуси 18 в.» Мн., 1992

[1]