Ніна Мікалаеўна Усатава
Ніна Мікалаеўна Усатава | |
---|---|
Дата нараджэння | 1 кастрычніка 1951[1] (72 гады) |
Месца нараджэння | |
Грамадзянства | |
Адукацыя | |
Прафесія | актрыса |
Прэміі | |
Узнагароды | |
IMDb | ID 0882267 |
Медыяфайлы на Вікісховішчы |
Ні́на Мікалаеўна Усатава (руск.: Ни́на Никола́евна Уса́това; нар. 1 кастрычніка 1951, Міхайлаўскі пассавет, Алтайскі край, СССР) — савецкая і расійская актрыса; народная артыстка РФ (1994), лаўрэат Дзяржаўнай прэміі Расіі (2001), дзвюх прэмій «Ніка» (1995, 1999) і «Залаты арол» (2009, 2013), «Залатая маска» (2023). З 1989 года — артыстка РДАБДТ імя Г. А. Таўстаногава.
Біяграфія[правіць | правіць зыходнік]
З 1969 па 1973 год спрабавала паступіць у Шчукінскае вучылішча пры Вахтангаўскім тэатры. Працавала снавальшчыцай на суконнай фабрыцы «Чырвоны Кастрычнік» у горадзе Бораўску Калужскай вобласці, дырэктарам Дома культуры і рыхтавалася да ўступных іспытаў.
У 1974 годзе паступіла на рэжысёрскі факультэт тэатральнага вучылішча імя Б. В. Шчукіна (курс Б. Я. Захавы і М. Р. Тэр-Захаравай) і ў 1979 годзе яго скончыла.
Скончыўшы вучобу ў 1979 годзе, Ніна Мікалаеўна паехала праходзіць практыку ў горад Котлас Архангельскай вобласці. Сыграла ў мясцовым тэатры дванаццаць роляў. У гэты час у Ленінградзе адкрыўся Маладзёжны тэатр, і ў 1980 годзе актрыса-пачаткоўца з’ехала туды. Іграла ў спектаклях Уладзіміра Малышчыцкага і Яфіма Падвэ.
У 1989 годзе Ніна Усатава прыйшла ў трупу Ленінградскага акадэмічнага Вялікага драматычнага тэатра імя М. Горкага, цяпер Расійскі дзяржаўны акадэмічны Вялікі драматычны тэатр імя Г. А. Таўстаногава.
У кіно акторка дэбютавала ў 1981 годзе, першай яе роляй стала краўчыха ў тэлевізійным фільме «Куды знік Фаменка?». Вядомасць прыйшла пасля ролі нямой у фільме «Халоднае лета пяцьдзесят трэцяга…».
У 1995 годзе прымала ўдзел у серыі тэлевізійных ролікаў сацыяльнай тэматыкі пад агульнай назвай «Рускі праект». Актрыса сыграла правінцыйную жанчыну, якая прыбыла ў Маскву і ўбачыла свайго сына ў ганаровай варце на Краснай плошчы. Фраза «Дзіма, памахай рукой маме» стала папулярнай.
Фільмаграфія[правіць | правіць зыходнік]
- «Не трэба засмучацца» (2010)
Зноскі
- ↑ Person Profile // Internet Movie Database — 1990. Праверана 10 студзеня 2016.
- Асобы
- Нарадзіліся 1 кастрычніка
- Нарадзіліся ў 1951 годзе
- Нарадзіліся ў Алтайскім краі
- Выпускнікі Тэатральнага інстытута імя Барыса Шчукіна
- Лаўрэаты Дзяржаўнай прэміі РФ
- Кавалеры ордэна Дружбы (Расія)
- Узнагароджаныя медалём ордэна «За заслугі перад Айчынай» II ступені
- Узнагароджаныя медалём Пушкіна
- Заслужаныя артысты РСФСР
- Народныя артысты Расійскай Федэрацыі
- Лаўрэаты прэміі «Ніка»