Пашпарт грамадзяніна Паўднёвай Асеціі
Пашпарт грамадзяніна Паўднёвай Асеціі — асноўны дакумент, які выдаецца грамадзянам часткова прызнанай Рэспублікі Паўднёвая Асеція для пасведчання асобы на тэрыторыі краіны.
Прызнанне[правіць | правіць зыходнік]
Дакумент мае юрыдычную сілу як пасведчанне асобы толькі ў тых краінах, якія прызнаюць незалежнасць Паўднёвай Асеціі ад Грузіі. Да гэтых краін адносяцца Расія, Нікарагуа, Венесуэла, Науру, Сірыя, Абхазія, Арцах і Прыднястроўе[1]. Для падарожжаў у іншыя краіны жыхарам Паўднёвай Асеціі даводзіцца карыстацца пашпартамі, выдадзенымі іншымі дзяржавамі, якія маюць шырокае сусветнае прызнанне — часцей за ўсё Расіі ці Грузіі.
Падвойнае грамадзянства[правіць | правіць зыходнік]
Канстытуцыйны закон «Аб грамадзянстве Рэспублікі Паўднёвая Асеція» экспліцытна не забараняе падвойнае грамадзянства, але ўдакладняе, што «грамадзянін РПА, які таксама мае грамадзянства іншай дзяржавы, разглядаецца РПА толькі як грамадзянін РПА»[2]. Па словах старшыні Камісіі па пытаннях грамадзянства пры Прэзідэнце РПА Мурата Кузьміча Джыоева, пры атрыманні грамадзянства рэспублікі пасродкам натуралізацыі патрабуецца даказаць адсутнасць грамадзянства іншых дзяржаў акрамя Расійскай Федэрацыі[3].
Гл. таксама[правіць | правіць зыходнік]
Зноскі
- ↑ Сирия признала Абхазию и Южную Осетию. Кто еще? — meduza.io (руск.)
- ↑ Конституционный закон Республики Южная Осетия «О гражданстве Республики Южная Осетия» — cominf.org (руск.)
- ↑ Гражданство Южной Осетии: как его получить, способы, условия — south-ossetia.info (руск.)