Паўночна-Тэхаскі ўніверсітэт у Даласе

Паўночна-Тэхаскі ўніверсітэт у Даласе
англ.: University of North Texas at Dallas
Арыгінальная назва	англ.: University of North Texas at Dallas
Заснаваны	2000
Студэнты	4 164
Краіна	ЗША
Размяшчэнне	Далас, Тэхас, ЗША
Сайт	untdallas.edu
Медыяфайлы на Вікісховішчы

Паўночна-Тэхаскі ўніверсітэт у Даласе (англ.: University of North Texas at Dallas) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Далас у штаце Тэхас.

Агульная характарыстыка

Вучэльня адкрылася ў 2000 годзе як філіял Паўночна-Тэхаскага ўніверсітэта, прапаноўваючы курсы вышэйшага ўзроўню для студэнтаў і аспірантаў па розных дысцыплінах. У 2009 годзе філіял стаў аўтаномным універсітэтам, прапаноўваючы поўную праграму бакалаўрыяту. Гэта адзіны дзяржаўны ўніверсітэт у межах горада Далас.

У 1997 годзе сенатар Ройс Уэст прапанаваў тэхніка-эканамічнае абгрунтаванне стварэння дзяржаўнага ўніверсітэта ў паўднёвай частцы акругі Далас, якая населена пераважна афраамерыканцамі і тады абслугоўвалася толькі адным прыватным каледжам.

Кампус, які павінен быў стаць першым дзяржаўным універсітэтам у межах горада Даласа, быў запушчаны ў часовым месцы ў весновым семестры 2000 года з наборам 204 студэнтаў-завочнікаў. У чэрвені 2001 года гарадскі савет ухваліў пастанову аб выдзяленні 3 мільёнаў долараў на куплю каля 200 акраў зямлі для будучага кампуса. Прыватныя ахвяраванні павялічылі памер новага ўніверсітэцкага кампуса да 264 акраў (1,07 км2).

Законапраект 2001 года, прыняты заканадаўчым сходам штата Тэхас і падпісаны губернатарам Рыкам Пэры, дазволіў сістэме Паўночна-Тэхаскага ўніверсітэта заснаваць вучэльню як незалежны ўніверсітэт, калі колькасць студэнтаў дасягне 2500 чалавек. Законапраект 2003 года змяніў патрабаванне да тыс. студэнтаў дзённай формы навучання за адзін семестр. Цырымонія закладкі першага будынка будучага кампуса адбылася ў кастрычніку 2005 года. Першы пастаянны будынак на тэрыторыі кампуса быў уведзены ў эксплуатацыю ў студзені 2007 года.

Гл. таксама

• Спіс універсітэтаў штата Тэхас

Спасылкі

• На Вікісховішчы ёсць медыяфайлы па тэме Паўночна-Тэхаскі ўніверсітэт у Даласе
• Афіцыйная інтэрнэт-старонка ўстановы