Прагляд зыходнага тэксту старонкі Полацкі летапіс

{{Літаратурны твор
|Назва=Полацкі летапіс
|Жанр=[[летапіс]]
|Напісаны=[[XII ст.]]
}}
'''Полацкі летапіс''' — [[летапіс]], існаванне якога ''гіпатэтычна дапускаецца'' шэрагам гісторыкаў, але не захавалы. Мог быць складзены ў [[Полацк]]у ў XII ст. На думку [[С. М. Салаўёў|С. М. Салаўёва]], [[У. Ц. Пашута|У. Ц. Пашуты]], [[Л. В. Аляксееў|Л. В. Аляксеева]], урыўкі з гэтага летапісу ёсць у [[Кіеўскі летапіс|Кіеўскім летапісе]].

На думку прыхільнікаў гіпотэзы, на карысць існавання такога летапісу сведчыць апавяданне ў Кіеўскім летапісе (пад 1159) пра вяртанне на полацкі сталец, раней выгнанага палачанамі кн. [[Рагвалод-Васіль Барысавіч|Рагвалода-Васіля Барысавіча]]. Апавяданне складзена відавочцам з яркімі дэталямі. Другім [[доказ]]ам, на іх думку, з'яўляецца фрагмент (пад 1180) з [[Іпацьеўскі летапіс|Іпацьеўскага спісу]] пра паход кіеўскіх, чарнігаўскіх і полацкіх князёў сумесна з наўгародцамі пад [[Друцк]], залежны ад смаленскіх князёў (тым часам смаленскім кн. быў [[Давыд Расціславіч]]). Пра мясцовы, полацкі запіс сведчыць дэталізацыя — дакладная дата падзеі, падрабязны пералік князёў.

Пра існаванне летапісання ў Полацку наогул паведамляў [[В. М. Тацішчаў]] (пачатак XVIII ст.), які ў сваёй працы «Гісторыя Расійская» узгадваў пра [[спіс, тэкст|спіс]], які належаў пецярбургскаму архітэктару [[Пётр Міхайлавіч Яропкін|П. М. Яропкіну]], і дзесяць разоў спасылаўся на змест спісу, які, аднак, не дайшоў да нашых дзён — загінуў падчас пажараў у Маскве ў 1812 годзе. Гісторык выпісаў толькі некаторыя фрагменты, у т.л. летапісны артыкул 1217 г., пра астатняе В. М. Тацішчаў заўважыў: ''«…много о полоцких, витебских и других князей писано, токмо я не имел времени всего выписать и потом не достал…»''<ref>Татищев В. Н. … С. 269.</ref>.

Магчыма, што ў Полацкай зямлі было створана, а потым трапіла ў Кіеў і «Паданне аб Усяславічах», зафіксаванае ў [[Лаўрэнцьеўскі летапіс|Лаўрэнцьеўскім спісе]] пад 1128 годам. На думку [[Ю. А. Заяц|Ю. А. Зайца]], яно з'яўляецца пераказам тэксту гістарычнай песні, пашыранай на тэрыторыі Полаччыны ў кан. XI — пач. XII ст.

{{зноскі}}

== Літаратура ==
* {{крыніцы/Белазаровіч Гістарыяграфія}}. С.33, 34;
*''Майоров А. В.'' О Полоцкой летописи В. Н. Татищева // Труды отдела древнерусской литературы Института русской литературы (Пушкинский дом). СПб., 2005, Т.57;
*''Татищев В. Н.'' История Российская. — М.-Л., Изд-во АН СССР, т. II. 1962;
*''Powierski Jan''. Księżniczka pomorska w Połocku // Pomorze słowiańskie i jego sąsiedzi X—XV w. — Gdańsk, 1995. S. 93—119.

{{Беларускія летапісы}}
{{Полацкае княства}}

[[Катэгорыя:Старажытнарускія летапісы]]
[[Катэгорыя:Гісторыя Полацка]]