Пушкін (горад)

Горад Пушкін руск.: Пушкин Герб Сцяг Краіна Расія Суб’ект федэрацыі Санкт-Пецярбург Каардынаты 59°43′ пн. ш. 30°25′ у. д. Заснаваны 1710 Горад з 1808 Плошча 2 013 км² Насельніцтва 99,38 тыс. чалавек (2010) Часавы пояс UTC+4 Тэлефонны код +7 812 Паштовыя індэксы 196601–196609 Аўтамабільны код 78, 98, 178 Код АКАТП 40294501 Пушкін на карце Расіі ±

Медыяфайлы на Вікісховішчы

Пушкін (руск.: Пушкин, да 1918 — Царскае Сяло, з 1918 па 1937 — Дзецкае Сяло) — горад у складзе Пушкінскага раёна горада федэральнага значэння Санкт-Пецярбурга і яго ўнутрыгарадскае муніцыпальнае ўтварэнне, у 1936 годзе быў перададзены ў адміністрацыйнае падпарадкаванне Ленінграда. Буйны турыстычны, навуковы, навучальны і ваенна-прамысловы цэнтр. Уключаны ў спіс помнікаў, якія ахоўваюцца ЮНЕСКА, у складзе аб’екта «Гістарычны цэнтр Санкт-Пецярбурга і звязаныя з ім комплексы помнікаў».

Насельніцтва — 112 978 чал. (2021).

Праз горад праходзіць чыгуначная лінія Санкт-Пецярбург — Віцебск, на яго тэрыторыі размешчаны чыгуначная станцыя Царскае Сяло і прыпыначны пункт Дзецкасельскі. Адлегласць паміж Віцебскім вакзалам Санкт-Пецярбурга і Царскім Сялом — 23 км. Паштамт Санкт-Пецярбурга і аддзяленне сувязі № 1 Пушкіна размешчаны на адлегласці 24 км па прамой. Горад размешчаны ў межах Прынеўскай нізіны.

Загарадная імператарская рэзідэнцыя Царскае Сяло была заснавана ў 1710 годзе; горад — з 1808 года. У горадзе знаходзіцца музей-запаведнік «Царскае Сяло» — помнік горадабудаўнічага мастацтва і палацава-паркавы ансамбль XVIII — пачатку XX стагоддзя.

Радзіма дзеяча народнай асветы, археолага, педагога, краязнаўца Мікалая Пятровіча Авенарыуса.

Назвы горада

• Са́рская М́ыза — 1710 — канец 1710-х
• Са́рскае Сяло́ — канец 1710-х — жнівень 1724
• Дабраве́шчанскае — жнівень — верасень 1724
• Са́рскае Сяло́ — верасень 1724 — 1780-я
• Ца́рскае Сяло́ — 1780-я — 1917
• у 1808 — 1820-х — адначасова Сафі́я
• Салда́цкае Сяло́ — кастрычнік 1917—1918
• Дзе́цкае Сяло́ (імя Урыцкага) — 1918—1937
• 9 лютага 1937 года ў гонар А. С. Пушкiна горад быў перайменаваны ў Пушкін.

Палацы і паркі

Палацы і паркі Царскага Сяла ўваходзяць у склад Дзяржаўнага мастацка-архітэктрунага палацава-паркавага музея запаведніка «Царскае Сяло» (акрамя Асобнага і Буфернага паркаў). Крымская калона, Марэйская калона.

Палацы

• Аляксандраўскі палац
• Баболаўскі палац
• Екацярынінскі палац
• Запасны (Уладзімірскі) палац
• Палац княгіні Палей

Паркі

• Аляксандраўскі парк
• Баболаўскі парк
• Екацярынінскі парк
• Асобны (Ніжні) парк
• Буферны парк

Вядомыя асобы

• Мікалай Пятровіч Авенарыус (1834—1903) — дзеяч народнай асветы, археолаг, педагог, краязнавец.
• Іаанна Дзмітрыеўна Хлопіна (1905-?) — урач-патолагаанатом. Доктар медыцынскіх навук (1955), прафесар (1956).
• Людміла Іванаўна Варанчыхіна (нар. 1939) — доктар хімічных навук, прафесар.

Спасылкі

• На Вікісховішчы ёсць медыяфайлы па тэме Пушкін (горад)