Пханмунджом

Паўночнакарэйскія салдаты ахоўваюць мяжу, пазначаную невысокай бетоннай паласой.

Флагшток с сцягам Паўночнай Карэі у паўночнакарэйскай вёсцы Кіджандон паблізу Пханмунджома.

Пханмунджом (кар. 판문점, 板門店) — месца, размешчанае ў дзяржавах Рэспубліка Карэя (Кёнг-да, Пхачжу-сі, Кунэ-мён, Чжосан-лі) і Карэйская Народна-Дэмакратычная Рэспубліка (правінцыя Хванхэ-Пукто). Ён з’яўляецца месцам, якое ўключае ў сябе будынкі для правядзення перамоў па пытаннях, што тычацца дзвюх краін Карэйскага паўвострава ў дэмілітарызаванай зоне. Тэрыторыя, на якой размешчаны Пханмунджом, называецца аб’яднанай зонай бяспекі.

Размешчаны за 52 кіламетры ад Сеула, 147 кіламетраў ад Пхеньяна і 8 кіламетраў ад Кэсонскага прамысловага комплексу.

Гісторыя

Пханмунджом быў невялікай вёскай, за якую ішлі жорсткія бітвы падчас Карэйскай вайны. Ніводны з бакоў не мог развіць тут адчувальную перавагу, і таму Пханмунджом стаў сімвалам ў гэтай патавай сітуацыі ў вайне.

У 1953 годзе тут быў падпісаны дагавор аб спыненні агню, які паслужыў заканчэннем вайны. Будынак, у якім быў падпісаны дагавор, (37°57′20″ пн. ш. 126°40′40″ у. д.37°57′20″ пн. ш. 126°40′40″ у. д.), знаходзіцца на поўнач ад дэмаркацыйнай лініі, якая праходзіць праз цэнтр дэмілітарызаванай зоны.

Тут працавала камісія ААН па пытаннях перамір’я ў Карэі. Сустрэчы праходзілі ў палявым лагеры, разбітым на поўнач ад дарогі Кэсон — Сеул.

У лістападзе 2017 года з боку КНДР на мяжы з Рэспублікай Карэя ў раёне населенага пункта Пханмунджом у аб’яднанай зоне бяспекі пачаліся інжынерныя работы з мэтай збудавання рова для прадухілення несанкцыянаванага перамяшчэння бежанцаў праз дэмаркацыйную лінію дзяржаў.

Пасля змены палітыкі КНДР 9 студзеня 2018 года ў дэмілітарызаванай зоне прайшлі міністэрскія перамовы дзвюх карэйскіх дзяржаў. Па выніках сустрэчы прынята сумесная заява для друку, у якой абвешчана аб рашэнні Поўдня і Поўначы аднавіць поўнамаштабны дыялог па розных пытаннях, у тым ліку ў ваенных, а таксама прынята рашэнне аб тым, што каманда КНДР прыедзе ў лютым на Алімпіяду ў паўднёвакарэйскі Пхёнчхан.

27 красавіка 2018 года ў памежнай вёсцы Пханмунджом на паўднёвакарэйскім баку ў Доме міру прайшла першая за 11 гадоў сустрэча кіраўнікоў Поўначы і Поўдня. Гэты саміт стаў першым выпадкам, калі лідар Паўночнай Карэі ступіў на зямлю Паўднёвай. Кім Чэн Ын і Мун Чжэ Ін падпісалі сумесную дэкларацыю, у якой абвясцілі аб пачатку эры міру і паабяцалі працаваць над пазбаўленнем Карэйскага паўвострава ад ядзернай зброі.

Пазней Пханмунджом абмяркоўваўся сярод магчымых месцаў для першай у гісторыі сустрэчы кіраўнікоў КНДР і ЗША.

14 чэрвеня 2018 года былі праведзены перамовы прадстаўнікоў КНДР і Рэспублікі Карэя ў павільёне «Тонгілгак» на паўночным баку памежнага пункта Пханмунджом.

У ходзе трэцяга міжкарэйскага саміту ў верасні 2018 кіраўнікі дзяржаў дамовіліся спыніць буйнамаштабныя артылерыйскія вучэнні і ваенныя палёты блізу дэмілітарызаванай зоны для прадухілення інцыдэнтаў, вывесці адтуль вайскоўцаў і раззброіць персанал памежнага пункта Пханмунджом.

Спасылкі

• Travel in Korea: Panmunjeom information about the village and its history.
• North Korea Uncovered, (North Korea Google Earth) A full mapping of the North Korean side of Panmunjeom (including all of the buildings and monuments, the location of the Axe incident, and location of the signing of the armistice), the two major North Korean military lines, and the Northern Line Limit in the West Sea.
• Відэазапіс тура, Панмунджом