Пётр Захаравіч Савачкін

Пётр Захаравіч Савачкін
Пётр Захаравіч Савачкін
Дата нараджэння	24 чэрвеня 1911
Месца нараджэння	Лёзненскі раён, Беларусь;
Дата смерці	11 лістапада 1975 (64 гады)
Грамадзянства	Беларусь;
Род дзейнасці	настаўнік, выкладчык, гісторык
Месца працы	БДУ;
Навуковая ступень	кандыдат гістарычных навук (1953)
Альма-матар	гістарычны факультэт БДУ;
Узнагароды	;

Пётр Захаравіч Савачкін (24 чэрвеня 1911, в. Родзіна, Лёзненскі раён, Віцебская вобласць — 11 лістапада 1975) — беларускі гісторык, дэкан гістарычнага факультэта БДУ (1955—1973 гг.).

Біяграфія

Нарадзіўся 24 чэрвеня 1911 года ў в. Родзіна.

У 1931 годзе скончыў Віцебскае педагагічнае вучылішча, працаваў настаўнікам. У 1935 годзе паступіў на гістарычны факультэт БДУ, які скончыў у 1940 годзе з адзнакай. У 1940—1946 гг. служыў у Чырвонай Арміі, з 22.6.1941 па май 1945 гг. — у дзеючай арміі на розных франтах. Служыў у разведцы^[1].

У 1946 годзе дэмабілізаваны, паступіў у аспірантуру БДУ па кафедры гісторыі СССР, дзе вучыўся да 1949 года. У 1949—1955 гг. працаваў старшым выкладчыкам кафедры гісторыі СССР, у 1953 годзе абараніў кандыдацкую дысертацыю. У 1950—1955 гг. працаваў загадчыкам кафедры, намеснікам дырэктара па вучэбнай і навуковай рабоце Мінскай школы прафруху Усесаюзнага цэнтральнага савета прафесійных саюзаў, сумяшчаючы з выкладчыцкай працай у БДУ. У 1955 годзе быў прызначаны дэканам гістарычнага факультэта БДУ, неаднаразова перавыбіраўся на гэту пасаду. Адначасова з’яўляўся загадчыкам кафедры гісторыі СССР. Пакінуў пасаду дэкана 1 мая 1973 года.

Памёр 11 лістапада 1975 года.

Навуковая дзейнасць

Кірункі навуковай дзейнасці: устанаўленне савецкай улады ў заходнім абласцях Беларусі.

Сям’я

Быў жанаты, меў трох дачок: Наталлю, Алену і Ірыну.

Узнагароды

Ордэн Чырвонай Зоркі
Ордэн Айчыннай вайны I ступені
Ордэн Айчыннай вайны II ступені
5 медалёў
Ганаровая грамата ВС БССР «у сувязі з 60-годдзем за вялікую навукова-педагагічную і выхаваўчую працу»

Зноскі

↑ Арлоў У. Полацкі вецер…

Літаратура

Савачкін Пётр Захаравіч // Галерея «Деканы факультета» / Исторический факультет БГУ — Официальная страница. Эл.ресурс hist.bsu.by
Арлоў У. Полацкі вецер. Спроба раньніх мемуараў // Дзеяслоў. № 1-2 (20-21).

[1] Арлоў У. Полацкі вецер…

[1]