Сампсон Васілевіч Цвяткоўскі

Сампсон Васілевіч Цвяткоўскі
Нараджэнне	XVIII стагоддзе Харол, Харольскі павет[d], Расійская імперыя
Жонка	Ульяна Паўлаўна Каніская
Адукацыя	Кіева-Магілянская акадэмія

Сампсон Васілевіч Цвяткоўскі — прэфект Магілёўскай духоўнай семінарыі, а таксама выкладчык паэзіі, рыторыкі, філасофіі і багаслоўя ў азначанай семінарыі, дырэктар беларускіх народных вучылішчаў Магілёўскай губерні.

Біяграфія

Сын казака з горада Харол, Палтаўская вобласць. Сірата. Вучыўся ў Кіеўскай духоўнай акадэміі. Дваранін.

Запрошаны ў 1781 правялебным архіепіскапам Георгіем. Каніскім на пасаду выкладчыка ў Магілёўскай духоўнай семінарыі. У 1781 паэзіі і рыторыкі, у 1785 годзе быў прызначаны на пасаду настаўніка новаадкрытых семінарскіх класаў філасофіі і багаслоўя і прэфектам семінарыі. Пасаду прэфекта займаў з 1781 па 1789 год.

Г. Каніскі быў вельмі задаволены ім, адзначаў, што C. Цвяткоўскі «адпраўляючы сваю пасаду і выдатным прамаўленнем, і вучняў сваіх поспехам, паводзіў сябе сумленна і добрапрыстойна» і клапаціўся «тоб ён надалей, бо чалавек патрэбны, у семінарыі пры ранейшай пасадзе застаўся».

У 1789 быў прызначаны дырэктарам народных вучылішчаў. У 1793 годзе ганараваны чынам тытулярнага саветніка. У 1793 заняў ранейшую пасаду прэфекта і настаўніка філасофіі і багаслоўя. У 1798 г. зноў заняў пасаду дырэктара беларускіх народных вучылішчаў Магілёўскай губерні.

Літаратура

• Михаил Буглаков «Преосвященный Георгий Конисский, Архиепископ Могилевский», Минск, 2000.
• Горючко, Платон Степанович «Материалы для биографии (истории) Могилевской духовной семинарии 1780—1800 годов» / Могилев губернский : скоропеч. и лит. Ш. Фридланда , 1901
• Горючко, Платон Степанович «Учителя Могилевской духовной семинарии : Биогр. материалы для времени 1765—1808 годов» / Могилев : губ. скоропеч. и лит. Ш. А. Фридланда , 1904

Спасылкі

• Дакументы Г. Каніскага, Сампсона Цвяткоўскага і яго нашчадкаў