Слова пацана. Крымінальны Татарстан 1970—2010-х
| Слова пацана. Крымінальны Татарстан 1970—2010-х | |
|---|---|
| Аўтар | Robert Garaev[d] |
| Жанр | creative nonfiction[d] |
| Мова арыгінала | руская |
| Выдавецтва | невядома |
| Выпуск | 2020 і 2021 |
Слова пацана. Крымінальны Татарстан 1970—2010-х (руск.: Слово пацана. Криминальный Татарстан 1970—2010-х) — дакументальная кніга расійскага журналіста Роберта Гараева аб «Казанскім феномене» вулічных банд, упершыню апублікаваная ў 2020 годзе. Легла ў аснову мастацкага серыяла «Слова пацана. Кроў на асфальце», які выйшаў на экраны ў канцы 2023 года.
Змест
[правіць | правіць зыходнік]Кніга Гараева прысвечана «казанскаму феномену» — культуры моладзевых банд, якая грала важную ролю ў жыцці Казані познесавецкай эпохі. Яе аўтар сам удзельнічаў у адной з груповак на мяжы 1980-х і 1990-х гадоў і таму мог абапірацца ў тым ліку на ўласны досвед. Гараеў дзеліць гісторыю казанскага феномена на тры фазы. На першай з іх культура банд пачынала складвацца; другая фаза — росквіт першай паловы 90-х гадоў, калі казанскія групоўкі пачалі часткова кантраляваць Маскву і Санкт-Пецярбург; трэцяя — фарміраванне новага крымінальнага пакалення пасля таго, як «аўтарытэты» 90-х па розных прычынах адышлі ад спраў[1].
Успрыманне і значэнне
[правіць | правіць зыходнік]Кніга легла ў аснову мастацкага серыяла «Слова пацана. Кроў на асфальце», які выйшаў на экраны ў канцы 2023 года. У Расіі гэты серыял здабыў вялікую папулярнасць[2], у рэйтынгу «Индекс Кинопоиск Pro» па ўзроўні цікавасці гледачоў абагнаў «Гульню ў кальмара»[3], дзякуючы чаму кніга стала адной з самых прадаваных у жанры нон-фікшн. Спецыялісты характарызуюць публікацыю Гараева як «вельмі прадстаўнічы корпус матэрыялаў, якія дазваляюць скласці ўяўленне пра групоўкі казанскага тыпу»[4].
Заўвагі
[правіць | правіць зыходнік]- ↑ Будрайтскис, Илья. Пацаны и дух российского капитализма: что казанские банды 1980-х способны сообщить нам о современной России? (руск.). «Горький» (22 чэрвеня 2021). Праверана 8 студзеня 2024.
- ↑ «Слово пацана» — самый обсуждаемый сериал года в России. Подростки копируют его героев, а власти требуют запретить В рейтинге «Кинопоиска» произведение Жоры Крыжовникова опережает «Сопрано» и «Офис» (руск.). Meduza (4 снежня 2023). Праверана 8 студзеня 2024.
- ↑ Сериал «Слово пацана» по уровню интереса зрителей обогнал «Игру в кальмара». Бизнес Online (5 снежня 2023). Праверана 8 студзеня 2024.
- ↑ Послесловие к «Слову пацана» (руск.). s-t-o-l.com. Праверана 8 студзеня 2024.