Meduza

З Вікіпедыі, свабоднай энцыклапедыі
Meduza
Уладальнік Medusa Project SIA
Галоўны рэдактар Галіна Цімчанка  (укр.)
Дата заснавання 20 красавіка 2014 (9 гадоў)
Мова руская, англійская
Галоўны офіс Латвія Латвія, Рыга
Вэб-сайт meduza.io

«Meduza» — зарэгістраваны ў Латвіі збольшага рускамоўны інтэрнэт-СМІ, створаны былым галоўным рэдактарам «Lenta.ru  (укр.)» Галінай Цімчанка  (укр.), якую звольнілі з пасады з-за пазіцыі выдання, якое не падтрымала анексію Крыма Расіяй. Сайт «Meduza», ядро рэдакцыі якога сфармавалі экс-супрацоўнікі «Lenta.ru  (укр.)», аднадумцы Цімчанка, пачаў працу 20 кастрычніка 2014 года. Асновай СМІ сталі бясплатныя мабільныя дадаткі для «iOS» і «Android»[1]. Назву сайту прыдумаў былы прадзюсар аддзела новых медыя «Lenta.ru  (укр.)» Ігар Белкін.

Канцэпцыя[правіць | правіць зыходнік]

«Meduza» з’яўляецца агрэгатарам навін і тэкстаў на рускай мове, якія адбіраюць у ручным рэжыме, у адрозненне ад аўтаматычнага ранжыравання «Яндэкс.Навін  (укр.)». Таксама інтэрнэт-выданне выпускае і ўласныя матэрыялы. Суадносіны паміж агрэгаванымі ды ўласнымі матэрыяламі Галіна Цімчанка  (укр.) тлумачыла наступным чынам: «Мы будзем дзейнічаць гнутка. Чым больш якасных крыніц, тым больш агрэгуем. Калі раптам складзецца так, што іншыя СМІ будуць менш пісаць, а стоп-лісты стануць яшчэ даўжэй, мы будзем пашырацца ў бок уласнага кантэнту».

Магчымасць каментавання артыкулаў на сайце «Meduza» і ў мабільных дадатках не прадугледжаная.

Супрацоўнікі[правіць | правіць зыходнік]

Спецыяльныя карэспандэнты[правіць | правіць зыходнік]

  • Ілля Азараў (былы спецыяльны карэспандэнт «Lenta.ru  (укр.)»)
  • Андрэй Казянкоў (былы спецыяльны карэспандэнт «Lenta.ru  (укр.)»)
  • Данііл Туроўскі (былы спецыяльны карэспандэнт «Lenta.ru  (укр.)»)
  • Ілля Жагулёў ды інш.

Ціск[правіць | правіць зыходнік]

23 красавіка 2021 года Міністэрства юстыцыі Расійскай Федэрацыі  (польск.) ўнесла «Meduza» ў спіс замежных агентаў  (ням.), што выклікала рэзкі адток рэкламадаўцаў з сайта, 3/4 месячнай аўдыторыі ў 13 мільёнаў наведвальнікаў якога прыходзілася на Расію. З-за гэтага рэдакцыя была вымушана скараціць заробкі штатным журналістам на 50 %, закрыць сядзібы ў Рызе і Маскве, адказацца ад паслуг фрылансераў  (бел. (тар.)) і звярнуцца да чытачоў за фінансавай падтрымкай. «Рэпарцёры без межаў» ацанілі ціск на выданне спробай абмежаваць свабоду слова ў Расіі напярэдадні выбараў у Дзяржаўную Думу Расійскай Федэрацыі ў верасні 2021 года[2].

Зноскі

  1. Галоўрэд партала Meduza Галіна Цімчанка ў праграме «Гаварыце» з Юліяй Таратутай. Тэлеканал Дождж (10 кастрычніка 2014).
  2. Russische Online-Zeitung kämpft ums Überleben (ням.). Рэпарцёры без межаў. Архівавана з першакрыніцы 6 мая 2021. Праверана 6 мая 2021.

Спасылкі[правіць | правіць зыходнік]