Сьюдад-дэ-ла-Пас

Сьюдад-дэ-ла-Пас
Краіна	Экватарыяльная Гвінея;
Каардынаты	1°35′30″ пн. ш. 10°49′20″ у. д.HGЯO
Заснаваны	2021
Плошча	81,5 км²;
Вышыня цэнтра	454 м
Насельніцтва	2 000 чал. (2022);
Часавы пояс	UTC+1
	Медыяфайлы на Вікісховішчы

Сьюдад-дэ-ла-Пас (ісп.: Ciudad de la Paz, парт.: Cidade da Paz «горад міру»), раней Аяла (ісп.: Oyala) — новая будучая сталіца Экватарыяльнай Гвінеі, якая заменіць старую сталіцу Малаба (мяркуецца перанесці цэнтр дзяржаўнай улады з астраўной часткі краіны ўглыб яе кантынентальнай тэрыторыі). Горад з’яўляецца таксама сталіцай новай правінцыі Джыблоха.

Прычыны пераносу

Рухаючай сілай пераносу сталіцы стаў кіруючы з 1979 года прэзідэнт краіны Тэадора Абіанг Нгема Мбасога, які імкнецца такім чынам аслабіць уплыў апазіцыі, якая спрабуе яго зрынуць: найбольш яркая спроба звяржэння была прадпрынятая ў 2004 годзе брытанскім наймітам Сайманам Манам. Нягледзячы на тое, што гэтая невялікая краіна з’яўляецца трэцім па велічыні ў Афрыцы вытворцам нафты (з прычыны адкрыцця і распрацоўкі якой рэспубліка атрымала за перыяд 1995—2007 гадоў 117-разовы рост эканомікі з $170 млн да $19,83 млрд, выйшаўшы з аднаго з апошніх на адно з першых месцаў на кантыненце па ВУП на душу насельніцтва), даходы ў ёй размяркоўваюцца вельмі нераўнамерна. Большасць насельніцтва працягвае жыць за рысай беднасці.

Стварэнне

Будаўніцтва пачалося ў 2011 годзе з расчысткі вялікай пляцоўкі ад джунгляў. У лютым 2017 года адбыўся пераезд урада ў новы горад у джунглях, у якім да таго моманту былі пабудаваны пяцізоркавы гатэль, канферэнц-цэнтр, новы ўніверсітэт і поле для гольфа. Была створана новая правінцыя Джыблоха, і Ояла стала таксама яе сталіцай^[1]. Па праекце плошча горада складае 8150 га, насельніцтва — 200 тысяч чалавек (каля 15 % насельніцтва краіны). Праект сталіцы быў распрацаваны партугальскім архітэктурным бюро IPF (Ideias para o Futuro). Гэты праект прадугледжвае стварэнне першай у свеце сталіцы, якая на 100 % залежыць толькі ад аднаўляльных крыніц энергіі^[2].

Завяршэнне будаўніцтва планавалася ў 2020 годзе, аднак цяпер аднесена на нявызначаны тэрмін. У 2020 годзе горад атрымаў новае імя — Сьюдад-дэ-ла-Пас.

Геаграфія

Горад размешчаны на ўсходзе кантынентальнай часткі краіны, на рацэ Беніта (вядомай таксама пад назвай Мбіні), у трапічным лесе. Ён знаходзіцца за 20 км ад Міжнароднага аэрапорта імя Прэзідэнта Абіанга Нгемы і за 50 км ад усходняй мяжы з Габонам.

Крыніцы

↑ Equatorial Guinea government moves to new city in rainforest (нявызн.). Архівавана з першакрыніцы 28 верасня 2017. Праверана 9 кастрычніка 2020.
↑ El Gobierno de Guinea Ecuatorial se muda de Malabo a Oyala (ісп.) (11 лютага 2017). Архівавана з першакрыніцы 26 верасня 2017. Праверана 25 верасня 2017.

[1] Equatorial Guinea government moves to new city in rainforest (нявызн.). Архівавана з першакрыніцы 28 верасня 2017. Праверана 9 кастрычніка 2020.

[area-2] El Gobierno de Guinea Ecuatorial se muda de Malabo a Oyala (ісп.) (11 лютага 2017). Архівавана з першакрыніцы 26 верасня 2017. Праверана 25 верасня 2017.

[1]

[2]