Трыялецкія петрогліфы
Славутасць | |
Трыялецкія петрогліфы | |
---|---|
თრიალეთის პეტროგლიფები | |
![]() | |
41°35′10″ пн. ш. 43°58′38″ у. д.HGЯO | |
Краіна | |
Месцазнаходжанне | |
Дата заснавання | 10 тысячагоддзе да н.э. |
![]() |
Трыялецкія петрогліфы (груз. თრიალეთის პეტროგლიფები) — дагістарычны наскальны жывапіс у грузінскай гістарычнай вобласці Трыялеці, на тэрыторыі Цалкскага муніцыпалітэта. Знаходкі датуюцца ад мезаліту да бронзавага века.
Апісанне
[правіць | правіць зыходнік]![](http://upload.wikimedia.org/wikipedia/commons/thumb/5/54/Trialeti_petroglyphs_%28damaged%29%2C_May_2021.jpg/220px-Trialeti_petroglyphs_%28damaged%29%2C_May_2021.jpg)
Петрогліфы знаходзяцца ў 12 км ад горада Цалка ў цясніне ракі Авдрыс-Цкалі на ўскраіне вёскі Гантыядзі ў краі Квема Картлі, раён Трыялеці. Яны былі знойдзены ў 1880-х гадах. Трыялецкія петрогліфы ўяўляюць сабой адзіны ўзор дагістарычнага наскальнага мастацтва на тэрыторыі Грузіі. Участак з трыялецкімі петрогліфамі знаходзіцца пад пагрозай разбурэння[1].
На базальтавай скале выразаны калі 100 выяў. Часцей сустракаюцца выявы жывёл і адлюстроўваюць мясцовую фаўну: аленяў, коней, горных казлоў, птушак і рыб. Таксама прадстаўлены фантастычныя і гібрыдныя істоты. Выявы схематычныя, жывёлы прадстаўлены збоку з акцэнтам на пэўныя элементы, такія як рогі. У адной з сцэн намалявана самка аленя, якая корміць свайго дзіцяня. У іншых месцах прадстаўлены жывёлы, якія заблыталіся ў паляўнічых сетках.
Сярод чалавечых выяў знаходзяцца паляўнічыя з лукамі і стрэламі, і мініяцюрныя па параўнанні з жывёламі (памерам ад 2,5 см да 18-20 см і пераважна ў 1-2 мм у шырыню і глыбіню разьбы). Паляўнічыя намаляваныя спераду і больш схематычна, чым жывёлы.
Да геаметрычных выяў адносяцца крыжы, шахматныя сеткі і сонечныя прамяні[2].
Зноскі
- ↑ Gabunia, Manana; Gabashvili, Mariam. "Trialeti Petroglyphs – Under Destruction". Eastern Partnership Culture Programme E-Journal.
- ↑ Sagona, Antonio (2017). The Archaeology of the Caucasus: From Earliest Settlements to the Iron Age. Cambridge University Press. p. 80. ISBN 9781139061254.