Элка (Невада)

Элка Сцяг Краіна  ЗША Каардынаты 40°49′57″ пн. ш. 115°45′47″ з. д. Заснаваны 1868 Плошча 46,262337 км² 45,684091 км² (1 красавіка 2010) 46,21969 км² (1 красавіка 2020) Вышыня цэнтра 1 544 ± 1 м Водныя аб’екты Humboldt River[d] Насельніцтва ▲20 564 чал. (1 красавіка 2020) Тэлефонны код 775 Паштовыя індэксы 89801 Афіцыйны сайт elkocity.com (англ.) Элка на карце ЗША

Медыяфайлы на Вікісховішчы

Элка (англ.: Elko) — горад у штаце Невада, ЗША. Адміністрацыйны цэнтр акругі Элка. Заснаваны ў 1868 годзе пры пракладцы транскантынентальнай чыгункі.

Паводле перапісу 2020 года насельніцтва горада налічвае 20 564 чалавек.

Гісторыя

Заснаваны ў 1868 годзе як станцыя чыгункі Central Pacific Railroad. Паступова Элка вырас з намётавага паселішча вакол станцыі, ператварыўшыся ў цэнтр акругі. У 1870 годзе Элка ўжо меў дзве гасцініцы, газету, царкву і будынак школы. Першапачаткова галоўны дзелавы і жылы раён утвараўся Камерцыйнай і Чыгуначнай вуліцамі па баках ад чыгуначных пуцей. Акрамя чыгуначнікаў і жывёлаводаў на поўдзень ад чыгуначных шляхоў развіўся значны чайнатаўн, а на ўсход быў сад, які быў вядомы як Кітайскае ранча (цяпер на гэтай зямлі месціцца гарадскі парк і гандлёва-выставачны цэнтр). У пачатку XX стагоддзя таксама пачалі прыбываць баскскія імігранты з Іспаніі.

Статус горада нададзены ў 1917 годзе.

Пасляваеннае будаўніцтва пашырыла горад на ўсход па Айдаха-стрыт і на поўнач за Седар-стрыт.

У 1970-я гады назіраўся рост забудовы вакол горада, адкрыццё пакладаў золата прывяло да павелічэння колькасці насельніцтва. З пашырэннем горада сталі ўзнікаць асцярогі наконт бяспекі ў сувязі з інтэнсіўнасцю чыгуначнага руху ў самым цэнтры горада. У 1973—1983 гадах рэйкі былі перанесены з цэнтра ў паўднёвую частку, дзе была пабудавана новая станцыя. На месцы старых шляхоў была пракладзена вуліца Сільвер-стрыт.

У 1979 годзе пры пракладцы Interstate 80 пачалося будаўніцтва аб’язной дарогі. Былі пабудаваныя чатыры пуцеправоды з трыма з’ездамі ў горад. У выніку быў значна скарочаны транзітны рух праз горад па вуліцы Айдаха-стрыт, якая была часткай старой шашы 40. Камерцыйная забудова пашырылася ўздоўж Айдаха-стрыт на ўсход: былі пабудаваны гатэль, казіно, гандлёвы цэнтр і супермаркеты. Дзякуючы далейшаму будаўнічаму буму горад таксама пашырыўся на захад.

Насельніцтва

Расавы склад насельніцтва:

• 86,6% — белыя;
• 0,7% — афраамерыканцы;
• 3,3% — карэнныя амерыканцы;
• 2,0% — азіяты;
• 0,1% — гавайцы і выхадцы з астравоў Ціхага акіяна;
• 1,4% — выказалі прыналежнасць да двух або болей расаў.

Іспанцы ці лацінасы (любой расы) складаюць 27,2% ад усяго насельніцтва.

Галерэя

• 
  Будынак адміністрацыі акругі
• 
  Дэпартамент паліцыі
• 
  Паштамт
• 
  Чыгуначная станцыя
• 
  Тэрмінал аэрапорта

Спасылкі

• Elko 100: From railroad stop to incorporated city (англ.). elkodaily.com (18 лютага 2017). Праверана 17 снежня 2021.
• City of Elko steps into future: the years 1967-1991 (англ.). elkodaily.com (22 красавіка 2017). Праверана 17 снежня 2021.