Юзаф Лоскі

Юзаф Лоскі
Дата нараджэння	16 студзеня 1827(1827-01-16)
Месца нараджэння	Кастамлоты[d], Падляскае ваяводства, Царства Польскае, Расійская імперыя
Дата смерці	13 студзеня 1885(1885-01-13) (57 гадоў)
Месца смерці	Варшава, Царства Польскае, Расійская імперыя
Месца пахавання	Старыя Павонзкі
Грамадзянства	Царства Польскае
Род дзейнасці	гісторык, археолаг, рысавальнік, гравёр, фатограф
Медыяфайлы на Вікісховішчы

Ю́заф Ло́скі (польск.: Józef Łoski; 16 студзеня 1827, в. Кастамлоты над Бугам — 13 студзеня 1885, Варшава) — польскі гісторык і археолаг-аматар, выдавец, малявальшчык, гравёр, фатограф.

Біяграфія

Уладальнік маёнтка Кастамлоты ў Бельскім павеце Сядлецкай губерні. Замалёўваў, фатаграфаваў і апісваў ваколіцы свайго маёнтка. Супрацоўнічаў з часопісам «Kłosy» і «Gazeta Warszawska». Таксама праводзіў археалагічныя даследаванні ў ваколіцах Кастамлотаў, Даўгабродаў і Кодані. Вынікі сваёй працы апублікаваў у 1876 годзе ў часопісе «Wiadomości Archeologiczne» пад назвай «Берагі Буга. Паганскія магілы ў Кастамлотах» (польск.: Brzegi Buga. Groby pogańskie w Kostomłotach).

Малюнак палаца Браніцкіх у Кодані

Гравюра генеалагічнай табліцы Сапегаў з Коданьскага касцёла. 1855 

Калекцыянаваў археалагічныя помнікі, медалі, у зборы Лоскага мелася таксама калекцыя зброі. У 1856 годзе прадметы са збору дэманстраваліся на варшаўскай выстаўцы помнікаў даўніны.

З 1875 года пасля продажу маёнтка жыў у Варшаве. У 1883 годзе выдаў гістарычную кнігу «Ян Сабескі, яго сям’я, таварышы па зброі і тагачасныя помнікі» (польск.: Jan Sobieski, jego rodzina, towarzysze broni i współczesne zabytki).

Пахаваны на варшаўскіх могілках Старыя Павонзкі (кватэра 59, рад 6, месца 7).

Спасылкі

• На Вікісховішчы ёсць медыяфайлы па тэме Юзаф Лоскі