Юрый Мікалаевіч Гарбуноў

Юрый Мікалаевіч Гарбуноў
укр.: Ю́рій Микола́йович Горбуно́в
Род дзейнасці	акцёр, тэлевядучы, вядучы, рэжысёр, журналіст
Дата нараджэння	24 жніўня 1970(1970-08-24) (54 гады)
Месца нараджэння	Новы Раздзіл, Львоўская вобласць, УССР, СССР
Грамадзянства	СССР  Украіна
Жонка	Кацярына Асадчая[d]
Альма-матар	Кіеўскі нацыянальны ўніверсітэт тэатра, кіно і тэлебачання імя І. К. Карпенкі-Карага
Узнагароды і прэміі	Тэлетрыумф[d]
Сайт	1plus1.ua/pro-kanal/vedu…
Медыяфайлы на Вікісховішчы

Юрый Мікалаевіч Гарбуноў (нар. 24 жніўня 1970, Новы Раздзіл, Украіна) — украінскі тэлевядучы, акцёр і шоумен, Заслужаны артыст Украіны.

Біяграфія і кар’ера

Нарадзіўся ў горадзе Новы Раздзіл Львоўскай вобласці. Вырас на Івана-Франкоўшчыне. У 1992 годзе скончыў Кіеўскі інстытут тэатральнага мастацтва імя І. Карпенка-Карага.

Пасля заканчэння інстытута пяць гадоў працаваў у драматычным тэатры ў Івана-Франкоўску. Потым пераехаў у Кіеў. У 1997—1998 гг. быў памочнікам рэжысёра ў цэнтры «Арт-Велес», рэжысёрам клуба «Галівуд». Паралельна ў 1998 г. на канале УТ-1 вёў праграму «Три крапки», а ў 1999-м — «Щасливий дзвінок», якая стала для яго дэбютам у прамым эфіры.

У 2000 г. пачаў працаваць на Новым канале. Быў вядучым праграмы «Пад’ём», за якую разам са сваёй партнёркай Машай Ефрасінінай у 2002 г. быў удастоены прэміі «Тэлетрыумф» у намінацыі «Найлепшае тэлевізійнае шоу». Таксама вёў сямейнае шоу «Гатовы на ўсё», шоу «Адзін за ўсіх» і «Цяпер ты ў арміі». У 2005 г. — вядучы праграмы «Пытанне для чэмпіёнаў» на канале СТБ. У чэрвені 2006 года прыйшоў на тэлеканал 1+1, дзе з Марычкай Падалкай пачаў весці інфармацыйна-забаўляльную ранішнюю праграму «Сняданак». З тых часоў з’яўляецца тэлевядучым канала 1+1.

Быў нязменным вядучым усіх сезонаў рэйтынгавага шоу «Танцы з зоркамі», за якое ў 2007 і 2008 гадах разам з Цінай Караль атрымаў яшчэ дзве прэміі «Тэлетрыумф». Таксама быў вядучым шоу «Смакуем», «Зорка + Зорка» і «Суперзорка» на канале 1+1. З верасня 2010 года — адзін з вядучых эксперыментальнага гумарыстычнага шоў «ГПУ» на канале 1+1. У снежні 2011 года — вядучы шоу «Прыгажосць па-ўкраінску». У 2012 годзе вёў гульнявое шоу «Я люблю Украіну». З лютага 2013 года — вядучы забаўляльнага «ПРОСТА шоу». Восенню 2013 года на канале 1+1 стартавала кулінарнае шоу «Вялікі пякарскі турнір», вядучым якога таксама стаў Юрый Гарбуноў. З 11 кастрычніка 2015 года — член журы ў шоу «Маленькія гіганты» на 1+1.

1 снежня 2015 года стаў заслужаным артыстам Украіны.

Фільмаграфія

• 2003 — Заўтра будзе заўтра (Украіна, Расія) — Мікалай, сельскі міліцыянер
• 2003 — Неба ў гарошак
• 2006 — Ваўчыца (Украіна) — акушер-гінеколаг
• 2006 — Кактус і Алена (Расія, Украіна) — Маручок, маёр міліцыі
• 2008 — Роман выхаднога дня (Украіна) — супрацоўнік агенцтва рытуальных паслуг
• 2009 — Важкая падстава для забойства — эпізод
• 2009 — Даярка з Хацапетаўкі 2: Выклік долі (Расія, Украіна) — эпізод
• 2009 — Яе сэрца (Украіна) — Барыс Сямёнавіч, дырэктар атэлье
• 2009 — Чырвоная шапачка — Шарль Пэро
• 2010 — Толькі каханне
• 2011 — Пончык Люся (Расія, Украіна) — адвакат
• 2015 — Апошні маскаль — Іван, дзядзька Валеры
• 2016 — Апошні маскаль. Судны дзень — Іван, дзядзька Валеры / Дзмітрый, бацька Валеры
• 2016 — Сяло на мільён — Айцец Любамір
• 2018 — Сувенір з Адзесы — Яша Цукер

Дубляж

• 2009 — Місія Дарвіна — крот Сліпко
• 2016 — Співай — Бастер Мун
• 2017 — Фердынанд — бык Фердынанд
• 2018 — Выкрадзеная прынцэса: Руслан і Людміла — Кот Вучоны