Ірына Мікалаеўна Кралевіч

Ірына Мікалаеўна Кралевіч
Ірына Мікалаеўна Кралевіч
Дэпутат Палаты прадстаўнікоў Нацыянальнага сходу Рэспублікі Беларусь VI і VII скліканняў
	з 11 кастрычніка 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	12 мая 1965 (58 гадоў); Мазыр, Гомельская вобласць, БССР, СССР;
Адукацыя	Гомельскі дзяржаўны ўніверсітэт імя Францыска Скарыны;
Навуковая ступень	кандыдат педагагічных навук
Дзейнасць	палітык
Месца працы	Мазырскі дзяржаўны педагагічны ўніверсітэт імя І. П. Шамякіна;
Узнагароды	Ганаровая грамата Нацыянальнага сходу Рэспублікі Беларусь Ганаровая грамата Міністэрства адукацыі Рэспублікі Беларусь

Ірына Мікалаеўна Кралевіч (нар. 12 мая 1965, Мазыр, Гомельская вобласць) — беларускі палітык і педагог, член Савета Рэспублікі Нацыянальнага сходу Рэспублікі Беларусь V склікання, дэпутат Палаты прадстаўнікоў Нацыянальнага сходу Рэспублікі Беларусь VI^[1] і VII скліканняў^[2].

Біяграфія[правіць | правіць зыходнік]

Нарадзілася 12 мая 1965 года ў г. Мазыры.

Скончыла Гомельскі дзяржаўны ўніверсітэт, матэматык, кандыдат педагагічных навук, дацэнт. Аўтар больш за 100 навуковых і вучэбна-метадычных публікацый.

Працавала настаўнікам матэматыкі сярэдняй школы № 2 г. Мазыра, асістэнтам кафедры алгебры і матэматычнага аналізу, старшым выкладчыкам, дацэнтам кафедры матэматыкі і методыкі выкладання матэматыкі, дэканам фізіка-матэматычнага факультэта, прарэктарам па навуковай рабоце Мазырскага дзяржаўнага педагагічнага ўніверсітэта імя І. П. Шамякіна.

З’яўлялася членам Савета Рэспублікі Нацыянальнага сходу Рэспублікі Беларусь пятага склікання ад Гомельскай вобласці, была членам Пастаяннай камісіі па адукацыі, навуцы, культуры і сацыяльным развіцці, намеснікам кіраўніка дэлегацыі Нацыянальнага сходу Рэспублікі Беларусь у Міжпарламенцкай асамблеі праваслаўя^[3].

З’яўлялася дэпутатам Палаты прадстаўнікоў Нацыянальнага сходу Рэспублікі Беларусь шостага склікання, была членам Пастаяннай камісіі па пытаннях экалогіі, прыродакарыстання і чарнобыльскай катастрофы, уваходзіла ў склад міжпарламенцкай камісіі па супрацоўніцтве Нацыянальнага сходу Рэспублікі Беларусь і Народнага сходу Сірыйскай Арабскай Рэспублікі, рабочай групы Нацыянальнага сходу Рэспублікі Беларусь па супрацоўніцтве з Парламентам Аргенцінскай Рэспублікі.

У Палаце прадстаўнікоў Нацыянальнага сходу Рэспублікі Беларусь сёмага склікання з’яўляецца членам Пастаяннай камісіі па пытаннях экалогіі, прыродакарыстання і чарнобыльскай катастрофы^[4].

Асабістае жыццё[правіць | правіць зыходнік]

Замужам, мае дачку.

Узнагароды[правіць | правіць зыходнік]

ганаровая грамата Нацыянальнага сходу Рэспублікі Беларусь,
ганаровыя граматы Міністэрства адукацыі Рэспублікі Беларусь, Гомельскага абласнога і Мазырскага раённага Савета дэпутатаў, Мазырскага дзяржаўнага педагагічнага ўніверсітэта імя І. П. Шамякіна,
падзяка Гомельскага абласнога выканаўчага камітэта,
юбілейны медаль «70 год вызвалення Рэспублікі Беларусь ад нямецка-фашысцкіх захопнікаў»,
юбілейны медаль «70 год Перамогі ў Вялікай Айчыннай вайне 1941—1945 гг.».

Зноскі

[1] Сведения о результатах голосования по выборам депутатов Палаты представителей Национального собрания Республики Беларусь шестого созыва 11 сентября 2016 года по Гомельской области Архівавана 21 сакавіка 2019.

[2] Сведения о результатах голосования по выборам депутатов Палаты представителей Национального собрания Республики Беларусь седьмого созыва 17 ноября 2019 года по Гомельской области Архівавана 24 лістапада 2019.

[3] Кралевіч Ірына Мікалаеўна. Савет Рэспублікі Нацыянальнага сходу Рэспублікі Беларусь Архівавана 18 жніўня 2020.

[4] Кралевіч Ірына Мікалаеўна. Палата прадстаўнікоў Нацыянальнага сходу Рэспублікі Беларусь

[1]

[2]

[3]

[4]