Аляксей Андрэевіч Саламонаў

Аляксей Андрэевіч Саламонаў
Дата нараджэння	14 жніўня 1925(1925-08-14)
Месца нараджэння	Кледнявічы, Міхееўскі сельсавет, Дрыбінскі раён, Аршанская акруга, БССР, СССР
Дата смерці	22 сакавіка 2014(2014-03-22) (88 гадоў)
Грамадзянства	СССР  Беларусь
Род дзейнасці	навуковец
Навуковая сфера	геадэзія
Месца працы	Беларуская дзяржаўная сельскагаспадарчая акадэмія Белдзіпразем Беларускі дзяржаўны тэхналагічны ўніверсітэт Беларуская Энцыклапедыя імя Петруся Броўкі
Навуковая ступень	доктар тэхнічных навук (1970)
Навуковае званне	прафесар
Альма-матар	землеўпарадкавальны факультэт БДСГА
Член у	Беларускі саюз журналістаў
Узнагароды

Аляксей Андрэевіч Саламо́наў (нар. 14 жніўня 1925, в. Кледнявічы, Дрыбінскі раён, Магілёўская вобласць) — беларускі геадэзіст. Доктар тэхнічных навук (1970), прафесар (1970). Член Беларускага саюза журналістаў.

Біяграфія

Нарадзіўся ў вёсцы Кледнявічы Дрыбінскага раёна Аршанскай акругі. Удзельнік Вялікай Айчыннай вайны, старшы лейтэнант. Скончыў Беларускую дзяржаўную сельскагаспадарчую акадэмію ў 1951 годзе, дзе і працаваў з 1955 года (1955—1974 і 1997—2003 гадах прафесар кафедры геадэзіі і фотаграмметрыі, у 1970—1974 — загадчык кафедры). У 1954 годзе скончыў аспірантуру пры Беларускім політэхнічным інстытуце. З 1974 года ў Беларускім тэхналагічным універсітэце (1974—1991 гадах загадчык кафедры інжынернай геадэзіі, 1991—1996 — загадчык універсітэта беларускай мовы, гісторыі і культуры). З 1996 года ў выдавецтве «Беларуская Энцыклапедыя». З 1977 года прафесар БДСГА і адначасова ў 1997—2004 гадах прафесар-кансультант інстытутаў «Белдзіпразем» і «Белгеадэзія».

Навуковая дзейнасць

Навуковыя працы ў галіне пабудовы і матэматычнай апрацоўкі геадэзічных сетак, аўтаматызацыі геадэзічных і тапаграфічных работ, навукова-даследчай работы студэнтаў, па праблемах адукацыі, інтэлекту і дэмакратычнага філасофска-сацыялагічнага напрамку. Прапанаваў метады стварэння і апрацоўкі геадэзічнай апоры, агульназямельнага кадастру і землеўпарадкавання, дэмаркацыі дзяржаўнай мяжы. Удзельнічаў у стварэнні астранома-геадэзічнай сеткі ў Беларусі і прылеглых да яе тэрыторый, а таксама ў Егіпце. Аўтар падручнікаў і навучальных дапаможнікаў для вышэйшых навучальных устаноў.

Навуковыя працы

• Инженерная геoдезия: [учебное пособие для высших сельскохозяйственных учебных заведений по специальности 1511 «Гидромелиорация»] / Соломонов Алексей Андреевич — Минск: Вышэйшая школа, 1983. — 328 с.: ил.
• Геодезическое обеспечение строительства реакторных отделений современных АЭС (разам з М. К. Стуліным, М. П. Дварэцкім) // Энергетич. строительство. − 1986. — № 3.
• Зависимость точности определения границ участков от точности геодезической опоры / Ярмоленко А. С., Соломонов А. А., Ковель П. В. // Геодезическое обеспечение кадастра, землеустройства и сельскохозяйственного строительства: сб. науч. тр. / БСХА. — Горки, 1997.
• Определение возможной и необходимой точности вычисления площадей земельных территорий в Беларуси и обоснование точности соответствующей геодезической опоры / Соломонов А. А., Зенькович А. И. // Геодезическое обеспечение ГИС в кадастре : материалы междунар. науч.-произв. конф., г. Горки, 17—20 февраля 1998 г. — Горки, 1999. — С. 129—141.
• Требования землеустройства и земельно-кадастровых мероприятий Республики Беларусь к содержанию цифровой модели местности (ЦММ) и цифровых карт (ЦКМ) / Соломонов А. А., Е. В. Ларионова, Т. В. Пыко // Землеустройство: состояние, проблемы, перспективы : материалы междунар. науч.-произв. конф., г. Горки, 21—23 ноября 2001 г. / Комитет по земельным ресурсам, геодезии и картографии Респулики Беларусь, Министерство сельского хозяйства и продовольствия Республики Беларусь, Белорусская государственная сельскохозяйственная академия. — Мн.: УП «Технопринт», 2003. — С. 137—143.

Літаратура

• Саламонаў Аляксей Андрэевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 101. — 10 000 экз. — ISBN 985-11-0035-8. — ISBN 985-11-0251-2 (т. 15).
• Вестник Белорусской государственной сельскохозяйственной академии. – 2014. – № 3. – С. 137—140.

Спасылкі

• Саламонаў Аляксей Андрэевіч на сайце анлайн-энцыклапедыі «Беларусь у асобах і падзеях»
• Саламонаў Аляксей Андрэевіч, доктар тэхнічных навук, геадэзія на сайце анлайн-энцыклапедыі «Беларусь у асобах і падзеях»
• Саламонаў, Аляксей Андрэевіч (доктар тэхнічных навук; геадэзія; 1925—2014) // База даных «Вучоныя Беларусі»
• Соломонов Алексей Андреевич (руск.) // Праект «Память народа»
• Музейный комплекс «Дорога памяти» Архівавана 27 сакавіка 2022. (руск.)
• Фатаграфіі ў электроннай бібліятэцы БДТУ