Барыс Андрэевіч Царыкаў

Барыс Андрэевіч Царыкаў
Дата нараджэння	31 кастрычніка 1925(1925-10-31)
Месца нараджэння	Гомель, Гомельскі павет, Гомельская губерня, РСФСР, СССР
Дата смерці	13 лістапада 1943(1943-11-13) (18 гадоў)
Месца смерці	Лоеўскі раён, Гомельская вобласць, БССР, СССР
Месца пахавання	Лоеўскі раён
Прыналежнасць	СССР
Род войскаў	пяхота
Гады службы	1941—1943
Званне	Яфрэйтар
Часць	43-ы стралковы полк, 106-я стралковая дывізія
Бітвы/войны	Вялікая Айчынная вайна Бітва за Днепр
Узнагароды і званні
Медыяфайлы на Вікісховішчы

Барыс Андрэевіч Царыкаў (31 кастрычніка 1926, Гомель — 13 лістапада 1943, Гомельская вобласць) — разведчк 43-га стралковага палка 106-й стралковай дывізіі 65-й арміі Цэнтральнага фронту. Яфрэйтар. Герой Савецкага Саюза.

Біяграфія

Нарадзіўся 31 кастрычніка 1926 года ў горадзе Гомель у сям’і служачага. Беларус. Адукацыя сярэдняя. У Чырвонай Арміі з 1941 года. У дзеючай арміі з лютага 1943 года.

Разведчык 43-га стралковага палка камсамолец чырвонаармеец Барыс Царыкаў з групай мінёраў 15 кастрычніка 1943 года першым пераправіўся праз раку Дняпро ў раёне пасёлка гарадскога тыпу Лоеў Гомельскай вобласці, узняўшы на правым беразе Чырвоны сцяг, і на працягу 5 сутак удзельнічаў у баях па пашырэнні плацдарму; 17-гадовы воін некалькі разоў вяртаўся на левы бераг з баявымі данясеннямі ў штаб.

Указам Прэзідыума Вярхоўнага Савета СССР ад 30 кастрычніка 1943 года за ўзорнае выкананне баявых заданняў камандавання і праяўленыя пры гэтым геройства і мужнасць чырвонаармейцу Царыкаву Барысу Андрэевічу прысвоена званне Героя Савецкага Саюза.

Загінуў у баі 13 лістапада 1943 года. Пахаваны ў брацкай магіле ў пасёлку гарадскога тыпу Лоеў Гомельскай вобласці Беларусі.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі

• Барыс Андрэевіч Царыкаў на сайце «Героі краіны»