Беларусь мае быць беларускай

Беларусь мае быць беларускай — патрыятычны заклік-спокліч, скіраваны на абуджэнне нацыянальна-грамадзянскіх пачуццяў, кансалідацыю беларусаў ў абарону свабоды, незалежнасці сваёй краіны, роднай мовы, усёй нацыянальнай культуры.

Гісторыя[правіць | правіць зыходнік]

Упершыню спокліч «Беларусь мае быць беларускай» стаў шырока вядомым ўлетку 2015 года, з-за крымінальнай справы, заведзенай на суполку анархістаў (Максім Пякарскі, Вадзім Жэромскі і Вячаслаў Касінераў^[1]) з ініцыятывы «Пошуга»^[2], якія намалявалі графіці з гэткім споклічам на сцяне закінутага будынка былой вайсковай часці. Таксама яны намалявалі на плоце той жа часткі спокліч «Рэвалюцыя сьвядомасьці, яна ўжо ідзе…» і расфарбавалі білборд з міліцыянтамі. Гэткія ўчынкі былі класіфікаваныя як:^[3]

Наўмысныя дзеянні, якія суправаджаліся пашкоджаннем чужой маёмасці, нявысветленымі асобамі, якія груба парушылі грамадскі парадак і выразілі відавочную непавагу да грамадства.

11 жніўня 2015 года адбыліся ператрусы ў падозраных, а прысуд быў вынесены ў студзені 2016 года, удзельнікі суполкі мусілі агулам выплаціць штраф у 120 базавых велічынь. У студзені 2019 года актывісты Руху «За Свабоду» з Гомеля праехаліся па шасці гарадах Беларусі з раздачай кубкаў з выявай пагоні з мэтаю, паказаць, што:^[4]

Беларусь мае быць беларускай, тут няма месца для «рускага свету».

У мастацтве[правіць | правіць зыходнік]

У 2014 годзе крама «LSTR Adziennie» выпусціла серыю цішотак са споклічам «Беларусь мае быць беларускай».^[5]

У 2015 годзе спокліч быў намаляваны анархістамі з «Пошуга» як частка графіці, што стала адной з прычын іхняга пакарання.

У 2017 годзе было апублікаванае відэа з песняй невядомага сябры «Пошуга», датаванае 2015 годам. Песня пачынаецца словамі «Беларусь мае быць беларускай».^[6]

Зноскі

Спасылкі[правіць | правіць зыходнік]

Прысуд за надпіс «Беларусь мае быць беларускай» пакінуты ў сіле

[1] Прававое абгрунтаванне пазіцыі «Вясны» па крымінальнай справе Мікіты Емяльянава і Івана Комара

[2] «Беларусь мае быць беларускай» — графіці да 9 мая ў Мінску

[3] За графіці «Беларусь мае быць беларускай» затрыманыя тры чалавекі, ім можа пагражаць да 6 гадоў зняволення

[4] Актывісты з Гомеля зладзілі паездку па Беларусі з раздачай кружак з Пагонямі, а таксама адвезлі дапамогу хвораму актывісту з Салігорску. Галоўнай мэтай, кажа сябра Руху «За Свабоду» Барыс Анікееў, было паказаць, што ў Беларусі няма месца «рускаму свету».(недаступная спасылка)

[5] Лангсліў «Беларусь мае быць беларускай» з Двупагоняй. Кошт 300.000 руб.

[6] БЕЛАРУСЬ МАЕ БЫЦЬ БЕЛАРУСКАЙ. ПОШУГ. 2015

[1]

[2]

[3]

[4]

[5]

[6]