Будынак пазямельна-сялянскага банка (Пінск)

Будынак пазямельна-сялянскага банка
	Славутасць
Будынак пазямельна-сялянскага банка
	52°06′57″ пн. ш. 26°06′34″ у. д.HGЯO
Краіна	Беларусь;
Месцазнаходжанне	Пінск;
Архітэктурны стыль	неакласіцызм
Дата пабудовы	1920 год
Статус	Гісторыка-культурная каштоўнасць Беларусі, шыфр 112Е000529шыфр 112Е000529
	Медыяфайлы на Вікісховішчы

Будынак пазямельна-сялянскага банка — будынак у гістарычным цэнтры Пінска, размешчаны па вуліцы Заслонава, 17.

Пабудаваны ў 1920 г. з цэглы. У канцы XX ст. тут размяшчаўся Палескі аграпрамысловы банк.

Архітэктура[правіць | правіць зыходнік]

Помнік грамадзянскай архітэктуры з элементамі неакласіцызму.

Прамавугольны ў плане трохпавярховы будынак з 3 рызалітамі вылучаецца выразнасцю кампазіцыі, выразнасцю пластычнага рашэння, накрыты вальмавым дахам, з якім спалучаюцца двухсхільныя дахі рызалітаў. Галоўны падоўжны фасад раскрапаваны плоскім цэнтральным рызалітам з ярка выяўленай воссю сіметрыі, падкрэсленай арачным парталам з паўцыркульным імпастам. Да тарцовых фасадаў прылягаюць глыбокія бакавыя рызаліты, у адным з якіх зроблены бакавы ўваход, у іншым — уязная арка. Будынак мае высокі цокальны паверх. Першы паверх трактаваны як аснова лягчэйшай верхняй часткі будынка і апрацаваны плоскім гарызантальным рустам. Два верхнія паверхі цэнтральнага рызаліта аб'яднаны плоскімі ордарнымі пілястрамі і ўвянчаны развітым антаблементам і ступеньчатым атыкам. У дэкоры выкарыстаны элементы ордарнай архітэктуры, ляпніна, вітраж, каваны метал, спалучэнне аддзелачных матэрыялаў розных колераў. Планіроўка калідорная, з двухбаковым размяшчэннем кабінетаў і цэнтральнай двухмаршавай лесвіцай.