Бургтэатр

З пляцоўкі Вікіпедыя
Перайсці да: рух, знайсці
Бургтэатр
Wien Burgtheater.jpg
Дата заснавання 14 сакавіка 1741
Ранейшыя назвы Каралеўскі тэатр пры палацы, Прыдворны і нацыянальны тэатр
Мастацкі кіраўнік Маціас Хартман
Каардынаты 48°12′36.65″ пн. ш. 16°21′40.26″ у. д. / 48.210182° пн. ш. 16.361185° у. д. (G) (O) (Я)
http://www.burgtheater.at/
Лагатып ВікіСховішча Бургтэатр на ВікіСховішчы

Бургтэатр (Burgtheater) — прыдворны тэатр у венскім Хофбурге. Заснаваны ў 1741 годзе ўказам імператрыцы Марыі Тэрэзіі. На працягу XVIII і XIX стст. быў адным з найбольш прэстыжных тэатраў германамоўнага свету. Тут былі дадзены прэм'еры моцартаўскіх опер «Выкраданне з сераля» (1782), «Жаніцьба Фігаро» (1786) і «Так паступаюць усе» (1790). У кастрычніку 1888 г. тэатр быў пераведзены ў новы будынак на Рынгштрасэ.

У пачатку XX стагоддзя ў тэатры граў адзін з найбуйнейшых акцёраў Еўропы Ё. Кайнц. На асноўнай сцэне тэатра ішоў класічны рэпертуар, а сучасныя аўтары ставіліся пераважна на сцэне філіяла, у «Акадэмітэатры» (Akademietheater). Пасля таго як будынак тэатра быў знішчаны бамбардзіроўкамі саюзнікаў у 1945 г., тэатр размяшчаўся ў былым вар'етэ «Ронахер». Будынак быў адноўлены ў 1953—55 гг.

Дзякуючы актыўнай дзейнасці Клаўса Пеймана, які ўзначальваў тэатр з 1986 па 1999 год, Бургтэатр выйшаў у лік вядучых еўрапейскіх тэатраў. У ім праходзілі прэм'еры новых п'ес Т. Бернхард, Э. Елінэк, П. Хандке, Петэра Турыні.

У розныя гады у тэатры працавалі акцёры: Ш. Вольтэр, М. Дэўрыент, Г. Рэймерс, А. Хэйнэ, Р. Аслан, Э. Бальзер, М. Эйс, X. Блейбтрэй, О. Трэслер, Э. Вальгемут, Р. Альбах-Реці, В. Краўс (1930-40-я гг.); А. Скода, П. Веселі, А. Хербігер, А. Шмід, К. Гольд, К. Дорш, А. Геснер, Герман Ціміг, В. Кова (каля 1960); К. М. Брандаўэр, Б. Ганц, Ульрых Тукур, Сюзан Лотар (2000-я гг.)

Гл. таксама[правіць | правіць зыходнік]