Веслаў Дымны

Веслаў Дымны
Род дзейнасці	акцёр, мастак, графік, пісьменнік, паэт-песеннік, кінасцэнарыст
Дата нараджэння	25 лютага 1936(1936-02-25)
Месца нараджэння	Паланечка, Баранавіцкі павет, Навагрудскае ваяводства, Польская Рэспубліка
Дата смерці	12 лютага 1978(1978-02-12) (41 год)
Месца смерці	Кракаў, Кракаўскае гарадское ваяводства, Польская Народная Рэспубліка
Месца пахавання	Сальваторскія могілкі[d]
Грамадзянства	Польшча
Жонка	Anna Dymna[d]
Альма-матар	Stefan Żeromski Lyceum in Bielsko-Biała[d] Кракаўская акадэмія мастацтваў
Узнагароды і прэміі	узнагарода Фонда імя Касцельскіх[d] (1964)
Медыяфайлы на Вікісховішчы

Веслаў Дымны (польск.: Wieslaw Dymny; 25 лютага 1936, Паланечка, гміна Паланечка, Баранавіцкі павет, Навагрудскае ваяводства, Польская Рэспубліка — 12 лютага 1978, Кракаў, Польшча) — польскі акцёр, сцэнарыст, мастак-пастаноўшчык і пісьменнік.

Біяграфія

Пасля Другой сусветнай вайны Заходняя Беларусь канчаткова адышла да СССР, а сям’я Дымных пераехала на ў Польшчу. У 1953 годзе Веслаў Дымны скончыў сярэднюю школу імя Стэфана Жыромскага ў Бельскай-Бяле. Пасля вывучаў жывапіс у Акадэміі прыгожых мастацтваў у Кракаве, аднак не давучыўся і адлічыўся.

У 1971 годзе ажаніўся з Ганнай Дзядык, вядомай па ролі Марыі Вільчур у фільме «Знахар» рэжысёра Тадэвуша Даленгі-Мастовіча.

Увосень 1977 года няспраўны тэлевізар справакаваў пажар у доме. Згарэлі шматлікія напрацоўкі і архівы. Праз тры месяцы Ганна знайшла ўжо ў новым доме ў Кракаве мёртвага Веслава, які адправіўся туды ўладкоўваць жытло. Абставіны і прычына смерці засталіся не высветленымі.

Творчасць

Аўтар каля 300 тэкстаў песень.

Заснавальнік і мастацкі кіраўнік групы з Кракава «Szwagry» (1964—1969).

Пісаў тэксты для вядомага кабарэ «Piwnica pod Baranami», студэнцкага тэатра «STSu», тэатра «38», а таксама для ўласнага кабарэ «Remiza».

Разам з Генрыхам Клуба напісаў сцэнарыі для некалькіх фільмаў.

Кнігі

• 1963 − Opowiadania zwykle / «Паўсядзённыя гісторыі». У 1997 годзе «Opowiadania Zwykle» зноў апублікавана ў выдавецтве MUZA SA у Варшаве.
• 1981 − Słonce wschodzi raz na dzień i inne utwory / «Сонца ўзыходзіць раз у дзень і іншыя творы»
• 1998 − Droga na Dziki Zachod / «Вандроўка на Дзікі Захад»

Фільмаграфія

• 1966 — «Rancho Texas / Ранча ў Тэхасе», вестэрн (у ролях, сцэнарыст)
• 1966 — «Chudy i inni / Худы і іншыя», драма (у ролях, сцэнарыст)
• 1966 — «Ktokolwiek wie… / Калі хто-небудзь ведае…», драма (у ролях)
• 1967 — «Słonce wschodzi raz na dzień / Сонца ўзыходзіць раз у дзень», драма (сцэнарыст)
• 1968 — «Wszystko na sprzedaz / Усё на продаж», драма (у ролях)
• 1969 — «Sól ziemi czarnej / Соль зямлі чорнай», драма (у ролях)
• 1969 — «Варшаўскія эскізы», драма (мастак-пастаноўшчык)
• 1971 — «150 na godzine / 150 у гадзіну», камедыя (у ролях, сцэнарыст)
• 1972 — «Przez dziewiec mostów / Праз дзевяць мастоў», драма (у ролях)
• 1973 — «Przyjecie na dziesiec osób plus trzy / Прыём на дзесяць чалавек плюс тры», камедыя (у ролях)
• 1973 — «Nagrody i odznaczenia / Узнагароды і адрозненні», драма (у ролях)
• 1974 — «Nie ma mocnych / Тут крутых няма», камедыя (у ролях)
• 1977 — «Pasja / Запал», драма (у ролях)
• 1978 — «Wesela nie bedzie / Вяселля не будзе», драма (у ролях)
• 1978 — «Pejzaz horyzontalny / Гарызантальны пейзаж», драма (у ролях, мастак-пастаноўшчык)
• 1982 — «Przeprowadzka / Пераезд», драма (у ролях)

Узнагароды

• 1953 — літаратурная прэмія імя Касцельскіх (Nagroda Fundacji im. Kościelskich) за «Opowiadania zwykle / Паўсядзённыя гісторыі».

Спасылкі

• «Opowiadania Zwykle» / «Паўсядзённыя гісторыі» / Jan Sawka
• «Droga na Dziki Zachod» / «Вандроўка на Дзікі Захад». Jan Sawka