Горад Суздаль

Горад Суздаль Сцяг Герб Каардынаты 56.433333, 40.43333356°26′00″ пн. ш. 40°26′00″ у. д.56.433333° пн. ш. 40.433333° у. д.    Краіна Расія Першае згадванне 999 Плошча 15 км² Вышыня цэнтра 115 м Насельніцтва (2010) ▼ 10 875 чалавек Часавы пояс UTC+3 Тэлефонны код 49231 Паштовы індэкс 601293 Афіцыйны сайт http://www.gorodsuzdal.ru/

Суздаль

Суздаль на Вікісховішчы

Суздаль, горад (з 1778) у Расіі, адміністрацыйны цэнтр Суздальскага раёна Уладзімірскай вобласці. Насельніцтва 11,0 тыс. чалавек (2005). Размешчаны на рацэ Каменка, прытоке ракі Нерлі ў 26 км на поўнач ад Уладзіміра.

Суздаль — горад-запаведнік, уваходзіць у Залатое кольца Расіі, ва Уладзіміра-Суздальскі гісторыка-мастацкі і архітэктурны музей-запаведнік.

Аснову эканамічнай актыўнасці ў горадзе складаюць галіны, арыентаваныя на прыём і абслугоўванне турыстаў: гасцінічны бізнес, грамадскае жыўленне і т. п. У горадзе маюцца наступныя прамысловыя прадпрыемствы: швейная фабрыка, прадпрыемствы харчовай прамысловасці, па вытворчасці тавараў культурна-бытавога і гаспадарчага прызначэння. Моцна развіта агародніцтва.

Вялікая колькасць архітэктурных помнікаў: Суздальскі Крэмль, манастыры (Спаса-Еўфіміеў, Пакроўскі, Аляксандраўскі, Рызапалажэнскі, Васільеўскі), Ансамбль гандлёвай плошчы, помнікі пасаду і шмат іншых, уключаючы помнікі драўлянага дойлідства. Каля 30 цэркваў.