Зееў Бен-Ар’е

Зееў Бен-Ар’е
Нараджэнне	30 кастрычніка 1945(1945-10-30) (78 гадоў) ці 1945 Харкаў, Харкаўская вобласць, УССР, СССР
Адукацыя	Харкаўскі нацыянальны ўніверсітэт імя В. Н. Каразіна
Дзейнасць	дыпламат, перакладчык
Месца працы	Харкаўскі нацыянальны ўніверсітэт імя В. Н. Каразіна

Зееў Бен Ар'е (30 кастрычніка 1945, Харкаў, Украіна) — ізраільскі дыпламат.

Біяграфія

Скончыў Харкаўскі ўніверсітэт — аддзяленне матэматычнай і прыкладной лінгвістыкі. Мае ступень магістра. У 1971 выехаў у Ізраіль. У 1972—1993 працаваў на ізраільскім радыё, у апошнія гады — галоўным рэдактарам аддзелу навін, аддзела радыёвяшчання на рускай мове. Ад 1993 на дыпламатычнай службе. У 1993—1996 — памочнік пасла ў пасольстве Ізраіля ў Кіеве. У 1997—1998 у якасці часовага паверанага ў справах Дзяржавы Ізраіль у Рэспубліцы Беларусь узначальваў дыпламатычнае прадстаўніцтва ў Мінску. Далей працаваў у Маскве на пасадзе прэс-сакратара пасольства Ізраіля. У 2002 адкліканы ў МЗС Ізраіля. У жніўні 2004 зацверджаны ўрадам Ізраіля Надзвычайным і Паўнамоцным паслом Дзяржавы Ізраіль у Рэспубліцы Беларусь. У 2007 годзе адбыў з сям'ёй на адпачынак, што супала з рэзкімі выказваннямі Прэзідэнта Рэспублікі Беларусь Аляксандра Лукашэнкі пра яўрэяў. У студзені 2009 года Зееў Бен-Ар'е пакінуў пасаду Надзвычайнага і Паўнамоцнага пасла Дзяржавы Ізраіль у Рэспубліцы Беларусь. Яму на змену прыйшоў Эдуард Шапіра.

Творчая дзейнасць

Валодае некалькімі мовамі. Пераклаў на іўрыт апавяданне Васіля Быкава «Бедныя людзі», якое было надрукавана ў часопісе Саюза пісьменнікаў Ізраіля «Гаг» у 2007. Рыхтуе да перакладу яшчэ некалькі твораў гэтага аўтара («Афганец» і інш.).

Сям'я

Жонка Вольга, сын Георгій, дачка Раніт-Алена.

Спасылкі

• Зэеў Бен Ар'е: «Я стаў першым перакладчыкам Васіля Быкава на іўрыт» // Радыё «Свабода»
• Поўны пераклад твораў Васіля Быкава на іўрыт здзейсніў пасол Ізраіля ў Беларусі (руск.)